17 yaşlı hamilə qadını əri VƏHŞİCƏSİNƏ öldürdü

17 yaşlı hamilə qadın dini nikahda olan əri tərəfindən 16 bıçaq zərbəsilə qətlə yetirilib.

Sonxeber.az-ın "DHA" agentliyinə istinadən məlumatına görə, hadisə Türkiyənin İzmir şəhərində baş verib.

Belə ki, 5 aylıq hamilə olan Sezen Ünlü küçədə gedərkən əri Anıl tərəfindən bıçaqlanıb. Qadın dərhal xəstəxanaya çatdırılsa da, aldığı zərbələrdən dünyasını dəyişib. Onun bətnindəki körpənin də öldüyü bildirilir.

Saxlanılan Anıl Yolum polisə verdiyi ilk ifadəsində 2 aydır ki, problemlərinin olduğunu deyib:

"Danışmağa getdim. Həyat yoldaşımın sosial media hesabında başqa adamların mesajlarını gördüm və əsəbiləşdim. Mübahisə etdik. Sonra həyat yoldaşımı bıçaqlayaraq hadisə yerindən qaçdım".

Prokurorluğun hazırladığı və İzmir 11-ci Ağır Cəza Məhkəməsi tərəfindən qəbul edilən iddianamədə Anıl Yoluma "hamilə olduğu bilinən qadını öldürmək" və "uşağı qəsdən öldürmək" ittihamları ilə ikiqat ağırlaşdırılmış ömürlük həbs cəzası istənilib.

Aysel Səfərzadə

Telegramda izləyin