20 il həbs cəzası çəkəndən sonra qanunsuz mühakimə olunduğu məlum oldu

ABŞ-da günahsız bir adam 20 il barmaqlıqlar arxasında yatdıqdan və istintaqın səhv aparıldığını sübut etmək üçün10 il sərf etdikdən sonra rəsmi olaraq qeyri-qanuni məhkum edilmiş kimi tanınıb.

Sonxeber.az Trend-ə istinadən bildirir ki, hadisə Ohayo ştatında baş verib. Din Qillespi adlı şəxs 1991-ci ildə 22 il sonra şərti azadlığa çıxmaq hüququ ilə 56 il həbs cəzasına məhkum edilib. O zorlama, adam oğurluğu və quldurluqda ittiham olunub. 2011-ci ildə Gillespi işinə baxılma zamanı pozuntular olduğu səbəbindən azad edilib. Məlum olub ki, hökm yalnız qurbanlardan birinin cinayətdən iki il sonra Gillespini fotoşəkildən tanıması əsasında çıxarılıb.

O, indi dövlətdən milyonlarla dollar təzminat tələb edə bilər. Həbsdə olan hər il üçün ən azı 40 330 dollar ala bilər. Bundan əlavə, həbsdə olduğu müddətdə ona almadığı maaş, vəkillərə çəkilən xərclər və digər vəsait də ödənilməlidir.

"Pul mənə kömək etməyəcək, itirilmiş illəri qaytarmayacaq, illər ərzində aldığım sarsıntıdan azad etməyəcək" - deyə 56 yaşlı Gillespi bildirib.

Telegramda izləyin