Silahla selfi çəkmək istədi - Özünü güllələdi

Rusiya paytaxtında gənc qızın tapança ilə selfi çəkmək niyyəti faciə ilə nəticələnib.

Hadisə mayın 21-nə keçən gecə Moskva şəhərinin cənub-şərqində baş verib. 21 yaşlı qız işdə olarkən silahla selfi çəkmək istəyib. Bu məqsədlə o, mühafizəçidən travmatik tapançasını müvəqqəti ona verməsini istəyib. Mühafizəçi onun xahişini yerinə yetirib. Silahı əlinə alan qız selfi çəkmək istəyərkən təsadüfən öz başına atış açıb. O, dərhal xəstəxanaya çatdırılıb. Hazırda təcili reanimasiya şöbəsində müalicə olunan qızın vəziyyəti ağırdır.

Qeyd edək ki, son vaxtlar dünyada bu cür hadisələr tez-tez baş verir. Bu ilin fevralında dəmir yolunda öz sevgilisi ilə selfi çəkən kişi qatarın altında qalıb. Bu yaxınlarda isə Rumıniyada qatarın vaqonunun üstünə çıxaraq selfi çəkmək istəyən gənc qızı elektrik cərəyanı vuraraq öldürüb./İKT.lent.az

Telegramda izləyin

instagramda izləyin