Maarifləndirici veriliş axtaranlar bu kanala baxa bilərlər

Azərbaycanda bir çox televiziya kanalları fəaliyyət göstərir. İnsanlar bəzən bayağı verilişlərin olmasından şikayətlənirlər, lakin bu kanallar arasında İctimai Televiziya öz maarifləndirici verilişləri ilə seçilərək, xüsusən gəncləri müsbət yöndə istiqamətləndirməkdədir.

Məhz bu səbəbdən həmin kanal haqqında Sonxeber.az saytı daha geniş məlumat vermək istəyir.

Prezident İlham Əliyev 5 noyabr 2004-cü il tarixində Azərbaycan cəmiyyətinin və Azərbaycan xalqının arzu və istəklərinin ifadəsi kimi "İctimai Televiziya və Radio Yayımı haqqında" Azərbaycan Respublikası qanununun tətbiq edilməsi barədə fərman imzalayıb.

İctimai TV Azərbaycanda dövlətin maliyyə dəstəyi ilə fəaliyyət göstərən sosial televiziya kanalıdır və 2007-ci ildən Avropa Yayım Birliyinin üzvüdür. Bir çox sahədə uğur qazanan kanal xüsusilə UEFA Avropa Liqası və İtaliya A seriyası yayımları ilə gündəmə gəlib. Hazırda isə yayımı "Azerspace-1" peykində davam edir.

Kanal indiyə kimi bir çox uğurlu layihələrə imza atıb və atmaqdadır. İctimai yayımçı proqramlar hazırlayarkən cəmiyyətdəki siyasi əqidələri, dini baxışları, ictimai fikir və rəyin müxtəlif cərəyanlarını, habelə ölkə vətəndaşlarının hüquq bərabərliyini nəzərə alır. İctimai Televiziyanın bütün proqramları milli-mənəvi dəyərləri, milli adət və ənənələri, mədəniyyət və incəsənətin bütün rəngarəngliyini özündə əks etdirir.

Eyni zamanda, İTV istedadlı gəncləri irəli çəkərək, onlara dəstək olur, tanıdır və uğurlu fəaliyyət göstərmələri üçün təmənnasız şəkildə münasib şərait yaradır.

İctimai Televiziyanın bütün proqramları milli-mənəvi dəyərləri, milli adət-ənənələri, mədəniyyət və incəsənətin bütün rəngarəngliyini özündə əks etdirir.

İTV Azərbaycan qanunlarını və klassik ictimai yayımçılığın başlıca prinsipini rəhbər tutaraq fəaliyyət göstərir.

Kanalın fəaliyyəti və burada yayımlanan maraqlı verilişlər haqqında daha geniş məlumat almaq istəyənlər İTV.az saytına baş çəkə bilərlər.

Aysel SƏFƏRZADƏ

Telegramda izləyin