Bakı-Qazax yolunda zəncirvari qəza olub: Ölən və yaralananlar var - YENİLƏNİB + ADLAR + FOTO/VİDEO

Hacıqabul rayonunda zəncirvari qəzada ölən və xəsarət alanların şəxsiyyəti məlum olub.

"Report"un məlumatına görə, hadisə 10 nəqliyyat vasitəsinin iştirakı ilə qeydə alınıb, nəticədə bir nəfər ölüb, 14 nəfər yaralanıb.

Belə ki, Sabirabad rayon sakini, 1970-ci il təvəllüdlü Ələkbərov Cəlil Ələkbər oğlu hadisə yerində dünyasını dəyişib.

Bakı şəhər sakinləri - 1982-ci il təvəllüdlü Vəliyeva Mahirə Vaqif qızı, 1968-ci il təvəllüdlü Həsənov Fəxrəddin İsmayıl oğlu, Sabirabad rayon sakinləri - 2007-ci il təvəllüdlü Ələkbərov Fəxri Cəlil oğlu, 2005-ci il təvəllüdlü Əliyev Xəyyam Əyyam oğlu, 1994-cü il təvəllüdlü Məmmədova Rüfanə Mehman qızı, 2019-cu il təvəllüdlü Həsənli Əsmər Həsən qızı, 1977-ci il təvəllüdlü Ələkbərov Elmir Ələkbər oğlu, 1998-ci il təvəllüdlü Həsənova Pərvin Zeyfun qızı, 2017-ci il təvəllüdlü Məmmədəli Səyid Ramil oğlu, 2015-ci il təvəllüdlü Məmmədəli Fidan Ramil qızı, 2016-cı il təvəllüdlü Məmmədəli Elmira Ramil qızı, 1970-ciil təvəllüdlü Həsənova Rəqiyyə Abdulhəsən qızı, 2010-cu il təvəllüdlü Ələkbərov Hüseyn Elnur oğlu və 1993-cü il təvəllüdlü Həsənov Həsən Mehman oğlu xəsarət alıblar.

12:09

Daxili İşlər Nazirliyinin Baş Dövlət Yol Polisi İdarəsi Bakı-Qazax magistralında baş verən hadisə barədə açıqlama verib.

Qurumdan Oxu.Az-a bildirilib ki, hadisə Bakı-Qazax yolunun Hacıqabul rayonu ərazisindən keçən hissəsində olub:

"İlkin məlumata görə, altı avtomobilin iştirakı ilə zəncirvari qəza olub. Hadisə nəticəsində iki nəfər ölüb, xəsarət alanlar var".

11:40

Bakı-Qazax magistralında 40-a yaxın maşının iştirakı ilə baş verən zəncirvarı qəza ilə bağlı yeni məlumatlar var.

APA-nın verdiyi məlumata görə, hadisə magistiralın 113 –cü km-də, Hacıqabul şəhərinin ərazisindən keçən yerdə baş verib.

Hadisə nəticəsində 1 nəfər ölüb,15 nəfər yaralanıb.

Hadisə yerindən foto və videonu təqdim edirik.

11:28

Bakı-Qazax magistralında ağır yol qəzası baş verib.

APA-nın verdiyi məlumata görə, Bakı Qazax magistralın Hacıqabul rayonu ərazisindən keçən hissəsində 40-a yaxın avtomobilin iştirakı ilə zəncirvarı qəza baş verib.

İlkin məlumata görə, hadisə nəticəsində ölən və yaralanan var.

Əlavə məlumat veriləcək.

Telegramda izləyin