Ölkə ərazisində müşahidə olunan dumanlı hava şəraiti nə qədər davam edəcək? – AÇIQLAMA

Ölkə ərazisində müşahidə olunan duman sinoptik şəraitlə əlaqədar olaraq, gözlənilən atmosfer hadisəsidir.

Sonxeber.az xəbər verir ki, bununla bağlı Ekologiya və Təbii Sərvətlər Nazirliyinin Milli Hidrometeorologiya Xidmətindən oxu.az-a məlumat verilib.

Bildirilib ki, inversiya dumanlarının əmələ gəlmə səbəbi gecə saatlarında yerüstü təbəqədə səthin soyuması və havanın temperaturunun aşağı düşməsidir:

"Nisbətən yuxarı təbəqədə temperaturun yüksək olması səbəbindən Xəzər dənizi üzərində formalaşan duman qatı Abşeron yarımadasına daxil olub. Bugünlərdə azhərəkətli hava kütləsi, zəif külək duman üçün əlverişli olub".

"Yanvarın 2-də gecə və səhər saatlarında da dumanlı hava şəraiti davam edəcək. Gündüz saatlarından başlayaraq küləyin sürətinin artması ilə duman olmayacaq", - deyə açıqlamada bildirilib.

Telegramda izləyin