"Çelsi" – "Liverpul" matçındakı qol duelində qalib müəyyənləşmədi – VİDEO

Futbol üzrə İngiltərə Premyer Liqasında XXI turun mərkəzi görüşü "Çelsi" və "Liverpul" arasında keçirilib.

Oxu.Az xəbər verir ki, Londondakı qarşılaşmada qalib müəyyənləşməyib – 2:2.

Matça fəal başlayan "Liverpul" 9-cu dəqiqədə Sadio Mane ilə hesabı açıb.

26-cı dəqiqədə Məhəmməd Salah fərqi iki topa çatdırıb.

Bununla belə, həvəsdən düşməyən meydan sahibləri hissə bitməmiş hesabda tarazlıq yarada biliblər.

Mateo Kovaçiç 42-ci, Kristian Pulişiç isə 45+1-ci dəqiqədə qol vuraraq status-kvonu bərpa ediblər.

İkinci hissədə başqa qol olmayınca oyun elə bu hesabla da yekunlaşıb.

Beləliklə, məğlubiyyətdən qurtulan "Çelsi" 43 xalla 2-ci pillədə qalıb və lider "Mançester Siti"dən 10 xal geri düşüb. Ehtiyatda bir oyunu olan "Liverpul" isə 42 xalla 3-cüdür.

Telegramda izləyin

instagramda izləyin