"Ona kim salam veribsə, aldadılıb" - DİN-dən AÇIQLAMA

Xəbər verdiyimiz kimi, Rasim Əhmədli adlı şəxs özünü Fövqəladə Hallar Nazirliyinin polkovniki kimi qələmə verərək Türkiyənin Marmaris bələdiyyəsinin rəhbəri Mehmet Oktay ilə görüşüb, ona hətta FHN rəhbəri, general-polkovnik Kəmaləddin Heydərovun adından hədiyyə də təqdim edib. Bəs Rasim Əhmədli daha öncə hansı cinayətləri törədib?

Məsələ ilə bağlı Sonxeber.az-a DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev açıqlama verib.

Onun sözlərinə görə, həmin şəxs yalançılıqla tanınır:

"Ona kim salam veribsə, aldadılıb. Kim inanıbsa, zərər çəkib. Dələduzlara xas olan bütün "ritual qaydalara" da ciddi əməl edib.

Saxta "polkovnik" Rasim Əhmədli əvvəllər də Cinayət Məcəlləsinin 178 (dələduzluq), 221 (Xuliqanlıq), 29.120 (qəsdən adam öldürməyə cəhd) maddələri ilə məhkum olunub. Ötən ilin noyabrında dələduzluq əməlinə görə beynəlxalq axtarışa verilib. Saxlanılması üçün müvafiq tədbirlər görülür".

ZAİRA AKİFQIZI

Telegramda izləyin