Koronavirusa yoluxduqdan sonra həyatı dəyişdi - Ağciyərlərində... - VİDEO

"COVID-19"a yoluxduqdan sonra həyatı dəyişən gəncin ağciyərində şiş tapılıb.

Sonxeber.az-ın "DHA" agentliyinə istinadən verdiyi məlumata görə, Türkiyənin Samsun şəhərində yaşayan Raşit Batur adlı şəxs 9 ay əvvəl koronavirusa yoluxub. Sonradan sağalsa da, onun şikayətləri aylarla keçməyib.

Yenidən KT müayinəsi aparılan zaman bəlli olub ki, onun ağciyər damarlarının 90 faizi qan laxtası ilə tıxanıb. O, təcili olaraq əməliyyat olunmaq üçün İstanbula göndərilib. Lakin əməliyyat zamanı bəlli olub ki, ağciyər damarları qan laxtası ilə deyil, dünyada nadir hallarda diaqnoz qoyulan bir şişlə tutulub. Həmçinin, şiş ürək qapağını da əhatə edib. 8 saat davam edən əməliyyatda gəncin ağciyər damarlarındakı şişlər çıxarılıb, eyni zamanda ürək qapağı da öz toxuması ilə bərpa olunub.

Batur, əməliyyat zamanı istifadə olunan texnologiyadan və "COVİD-19" müalicəsindən sonra "ağciyər sarkoması" (ağciyər damar şişi) diaqnozu qoyulan ilk xəstə kimi qeydə alınıb.

Aysel SƏFƏRZADƏ

Telegramda izləyin