"Omicron" ştammını müəyyən etmək üçün xüsusi test lazımdır? - İnfeksionistdən AÇIQLAMA

Son dövrlər pandemiya şiddətli hal almağa başlayıb. İnsanlar artıq xəstəliklərinə nə diaqnoz qoyulacağını müəyyən edə bilmirlər. Qripp, yoxsa koronavirusun hansısa ştammına yoluxduqlarını anlamaqda çətinlik çəkirlər.

Azərbaycanda da artıq aşkarlanan "Omicron" ştammı əhali arasında yayılmağa başlayıb. İnsanları isə bir sual maraqlandırır. "Omicron" ştammını adi PZR testi ilə müəyyən etmək mümkündür, yoxsa xüsusi test lazımdır?

Mövzuyla bağlı Sonxeber.az infeksionist Nicat Əzimlidən açıqlama alıb.

O bildirib ki, spesifik gen zənciri testi ilə variantların müəyyən edilməsi mümkündür:

""Omicron"un PZR testindən yayınma xüsusiyyətinin olduğu qeyd olunur. Lakin son günlərdə verilən testlərin əksəriyyətinin xəstəlik halını aşkarladığını müşahidə edirik. Adi, koronavirus üçün indiyə qədər istifadə olunmuş PZR testləri əksər hallarda "Omicron"u da aşkarlaya bilir.

Xəstəliyin "Omicron" və ya digər variant olub-olmadığını təyin etmək üçün gen zənciri testi olunmalıdır. Lakin bu, bütün xəstələrdə tətbiq olunmur, skrininq metodu ilə edilir".

Aysel SƏFƏRZADƏ

Telegramda izləyin