"Gözləmirdim, polis atəş aça bilər..." - Narkotacirdən maraqlı ETİRAF

Əvvəllər Cinayət Məcəlləsinin 177-ci (oğurluq) və 234-cü (narkotik vasitələrin qanunsuz dövriyyəsi) maddələri ilə məhkum olunan Lənkəran şəhər sakini, 1981-ci il təvəllüdlü Vüsal Hüseynov "Daewoo" markalı avtomobillə narkotik daşıdığına görə saxlanılıb.

Sonxeber.az bildirir ki, məsələ ilə bağlı DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev məlumat verib.

O bildirib ki, dünən Binəqədi RPİ-nin 7-ci Polis Bölməsinin əməkdaşları tərəfindən həyata keçirilən tədbir zamanı şübhəli şəxs avtomobili polis əməkdaşlarının üzərinə sürüb, qaçmağa cəhd edib, amma alınmayıb.

Polis əməkdaşları xidməti silahdan istifadə etməklə onun avtomobilinin təkərinə açdıqları atəş nəticəsində nəqliyyat vasitəsini saxlayıblar.

Saxlanıan cinayətkar "Gözləmirdim, polis atəş aça bilər. Polisin narkotiklə mübarizədə inadkarlığını gördüm" deyərək etiraf edib. Onun üzərindən və idarə etdiyi avtomobildən külli miqdarda narkotik vasitə olan heroin, eləcə də psixotrop maddələr aşkarlanaraq götürülüb.

ZAİRA AKİFQIZI

Telegramda izləyin