Adını "Buta" kimi dəyişən KVN komandasını hansı cəza gözləyir?

Xəbər verdiyimiz kimi, Rusiyanın Soçi şəhərində keçirilən KVN komandalarının 33-cü Beynəlxalq Festivalında ("KiViN-2022") Azərbaycanı təmsil edən "Şuşa" komandası erməni əsilli rəhbərlərin təkidi ilə adını "Buta" olaraq dəyişib. İkinci turda istirak etmək üçün bu addımı atdıqlarını deyən komanda rəhbəri, ssenarist və prodüser Müşfiq Abbasov qeyd edib ki, hazırda komandanın adı ‘‘Şuşa’’dır. Bəs ölkəmizi təmsil edən komandanı adını dəyişdiyinə görə hər hansı bir cəza gözləyirmi?

Məsələ ilə bağlı deputat Razi Nurullayev Sonxeber.az-a öz münasibətini bildirib.

O vurğulayıb ki, torpaq, ləyaqət, müstəqillik əmlakla, pulla ölçülmür:

"Bəzən insan milyardından, adından-sanından imtina edir ki, ləyaqətini və şərəfini qorusun. Şuşa da, Qarabağ da bizim üçün ləyaqət, şərəf, namus məsələsidir. İstənilən halda, bir tədbirdə iştirak etmək üçün komandanın adının dəyişdirilməsi, məhz "Şuşa" adından imtina edilməsi qəbuledilməzdir. Əgər adın dəyişdirilməməsi iştirakı əngəlləyəcəkdisə, buna da getmək lazım idi. Amma "Şuşa" adından imtina etmək yox! Onların öz adını dəyişdirməsinə görə qanunda hər hansı bir cəza nəzərdə tutulmur. Onlar üçün ən böyük cəza ictimai qınaqdır".

Aygün Osmanlı

Telegramda izləyin