"Yayılan virusla bağlı ciddi tədbirlər görülməldir" - İnfeksionistdən AÇIQLAMA

Son günlər ölkədə yayılan virusun kəskin hal alması insanlarda narahatlıq doğurmağa davam edir. Qapanma, məhdudiyyətlər olmadığı təqdirdə sürətlə yayılan virusdan necə qorunmalıyıq? Belə ki, bu virus "COVİD-19" olmaqla yanaşı, həm də qripin ağır versiyasıdır.

Mövzuyla bağlı Sonxeber.az infeksionist Vüqar Cavadzadədən münasibət öyrənib.

O bildirib ki, ciddi tədbirlər görülməlidir:

"Biz deyirik ki, özümüzü, yaxınlarımızı, sevdiklərimizi qorumalıyıq. Əgər qapanmaya gedilməsə, tədbirlər sərtləşdirilməsə, o zaman özümüzü necə qoruyacağıq? Hava-damcı infeksiyalarından qorunmağın iki yolu var: spesifik və qeyri-spesifik.

Spesifik yol vaksinasiyadır. İnsanların əksəriyyəti vaksinasiya olunsa da, "Omikron" ştammına hətta iki dəfə peyvənd olunan şəxslər belə, yoluxur. Ümumiyyətlə, vaksin yoluxmanın qarşısını almaq üçün deyil, xəstəliyi yüngül keçirmək və ölüm hallarının qarşısını almaq üçündür.

Qeyri-spesifik qorunma yolu isə maska taxmaq, sosial məsafə gözləmək, insanların çox olduğu yerə getməməkdir. Bu tədbirlər aparılmasa, qoruna bilmərik".

Aysel SƏFƏRZADƏ

Telegramda izləyin

instagramda izləyin