Azərbaycanda "patı" satan qadın öz evində tiryəkxana təşkil edib, narkoşəbəkə qurdu

Abşeron rayonunda narkotik vasitələrin qanunsuz dövriyyəsində şübhəli bilinən 6 nəfər saxlanılaraq istintaqa cəlb edilib. Onlardan biri olan Sehranə İsgəndərova narkoşəbəkə quraraq Abşeron rayonunda narkotik vasitələrin satışını təşkil edib.

Sonxeber.az bildirir ki, məsələ ilə bağlı DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev məlumat verib.

O bildirib ki, qadının Xırdalan şəhərində yerləşən evinə və üzərinə baxış zamanı 2 kiloqram 700 qram heroin və psixotrop maddə metamfetamin aşkar edilib. Onun yaşadığı evdə narkotik vasitə aludəçiləri üçün tiryəkxana təşkil etdiyi də müəyyən edilib.

S. İsgəndərova sosial şəbəkələrdə tanış olduğu, xarici ölkə vətəndaşı olan narkotacirin yalan vədlərinə aldandığını bildirib.

ZAİRA AKİFQIZI

Telegramda izləyin