"Ətrafınızdakı insanların dəyərini bilin" - Deputatdan gənclərə 5 NƏSİHƏT

Elm və təhsil komitəsinin üzvü, deputat Ceyhun Məmmədov gənclərə müraciət edib.

Sonxeber.az xəbər verir ki, millət vəkili öz tövsiyələrini sosial şəbəkədə dərc edib.

Həmin paylaşımı oxuculara təqdim edirik:

1) Ətrafınızdakı insanların dəyərini bilin. Unutmayın ki, itirdiyiniz insanları geri qaytarmaq mümkün deyil. Nə qədər ki, yanınızda və ətrafınızdadılar, diqqət və qayğınızı əsirgəməyin.
2) Hamının zamanın darlığından şikayət etdiyi dövrdə bir insanın digər insana verə biləcəyi ən böyük hədiyyə ona ayırdığı vaxtdır. Əgər kimsə sizə dəyər verib vaxt ayırırsa, dəyərini bilin.
3) İnsan oğlu əksər hallarda uğursuzluqlarının səbəbini, günahı başqalarında axtarmağa və ancaq səhvləri görməyə meyllidir. Hansısa səhv baş verəndə özünüzü də günahlandırmağı unutmayın.
4) Ən güclü nəzarət daxildən gələndir. İnsan özünə, sözünə, əməl və davranışlarına nəzarəti itirdikdən sonra daha çox yanlış hərəkətlər edə bilər. Çalışın, heç zaman sözünüzə, əməl və davarnışlarınıza nəzarəti əldən verməyin.
5) İnsanların münasibətlərini pozan mənfi xüsusiyyətlərdən biri kindir. Kindən və nifrətdən hər zaman uzaq olun. Bəzən kiməsə qarşı olan kinimiz bizi qarşı tərəfin rəyini dinləməməyə, ona qarşı hörmətsiz davranmağa təhrik edir və nəticədə qərarımız ədalətsiz və yanlış olur.

ZAİRA AKİFQIZI

Telegramda izləyin