Trampın kampaniyası 100 milyon dollar ianə topladı

ABŞ-ın 45-ci prezidenti Donald Trampın 100 milyon dollardan çox ianə toplaya bildiyi bildirilir ki, bu da respublikaçıların ABŞ Konqresində çoxluq qazanmasına kömək edə bilər.

Sonxeber.az xarici KİV-ə istinadən xəbər verir ki, Trampın "Save America" ("Amerikanı xilas et") ianə komitəsi keçmiş ABŞ prezidentinin keçən ilin iyul-dekabr ayları arasında 23 milyon dollar topladığını açıqlayıb.

Federal Seçki Komissiyasının məlumatına görə, 2021-ci ilin ilk 6 ayında bu rəqəm 62 milyon dollar olub. 2020-ci ilin prezident seçkilərində demokrat rəqibi Co Baydenə uduzan Tramp 2024-cü ildə respublikaçılar arasında populyar namizəd kimi seçilir.

Trampın sözçüsü Teylor Budoviç maliyyə toplama kampaniyası ilə bağlı verdiyi açıqlamada keçmiş ABŞ prezidentinin aralıq seçkiləri keçməyə və 2024-cü ilə qədər sürəti davam etdirməyə hazır olduğunu bildirib.

"Prezident Trampın davamlı və misli görünməmiş vəsait toplama tempi göstərir ki, Respublikaçılar Partiyasının 2022-ci ildə və ondan sonrakı gələcəyi, bəlkə də, ölkəmizin tarixində ən güclü - MAGA (Make America Great Again - Amerikanı Yenidən Böyük Et - red.) - hərəkatı olaraq qalır," -deyə "Save America"dan verilən açıqlamada bildirilir.

Aygün Osmanlı

Telegramda izləyin