İnsanların Marsa göndərilməsi üçün məbləğ açıqlandı: Dəhşətli dərəcədə bahadır...

Moderator.az xəbər verir ki, "Speys İks" şirkətinin banisi İlon Mask insanların Marsa göndərilməsinin qiyməti barədə danışıb: indiki şəraitdə bu, bir trilyon dollara başa gələ bilər.

"Biz Marsı məskunlaşdıra bilmərik, çünki hələlik bu, həddən artıq baha başa gələrdi. Bu gün üçün insanları Marsa göndərməsibbir trilyon dollar təşkil edəcək.

Məsələ bundadır ki, təkcə raket kifayət deyil, insanlara tibbi avadanlıq, kommunikasiya vasitələri lazımdır", - o, YouTube kanalında Massaçusets texnoloji instutunun elmi əməkdaşı, süni intellekt sahəsində kompüterçi-alim, populyar bloger Leks Fridmanın bloqunda məlumat verib.

Bu zaman Mask məskunlaşmanı yaxın 5-10 ilə başlamağı planlaşdırır. Onun sözlərinə görə, hazırda "Speys İks" Qırmızı planetin məskunlaşması üzrə prosesin optimallaşdırılması üzərində işləyir.

Bu məsələnin həllərindən biri kimi Günəş enerjisi ilə işləyən yeraltı hidropon fermaları olan muxtar məskunlaşma şəhərinin yaradılması nəzərdə tutulur.

Mask hesab edir ki, Marsın məskunlaşdırılması zəruridir, çünki tez və ya gec Yerdə hansısa fəlakət baş verə bilər və bəşəriyyət doğma planetdə qalarsa, insanların nəsli kəsilə bilər.

Dekabrda biznesmen danışıb ki, onun şirkəti Yer atmosferindən CO2-nin çıxarılması və onun raket yanacağına çevrilməsi proqramına başıayır. Milyarderin sözlərinə görə, bu, təkcə planetimizdə istixana qazlarının azaldılması üçün deyil, həm də Marsın mənimsənilməsi üçün vacibdir.

Telegramda izləyin