Türkiyədən gəlib Bakıda pulsuz, ac qalan gəncin başına nə gəldi? - VİDEO

Türkiyəli gənclər Bakıda sadə insanların dara düşən türklərə necə münasibət göstərdiyini sınamaq üçün sosial eksperiment keçiriblər.

Sonxeber.az virtualaz.org-a istinadən xəbər verir ki, ssenariyə əsasən Türkiyədən Bakıya gələn gəncin pulu qurtarır, yemək yeməyə belə pulu qalmır. Və bu vəziyyətdən xəbərdar olan, onu şəxsən tanımayan azərbaycanlı gənclər əllərindən gələn hər cür dəstəyi göstərirlər. Həmin gəncə müəyyən məbləğdə maddi yardım edirlər, kafedə onun üçün yemək sifariş verirlər. Bu anlar eksperiment aparanlar tərəfindən gizli kamera ilə çəkilib və ortaya çıxan mənzərə Türkiyə-Azərbaycan qardaşlığının necə dərin köklərə malik olduğunu bir daha göstərib.

Məsələn, epizodlardan birində kafedə oturub telefonla danışan türkiyəli gəncin pulsuz qaldığını eşidənlərdən biri deyir: "Sən heç narahat olma, qardaşların burada". Və həmin azərbaycanlı gənc "dara düşən" türkiyəli gəncə 100 manat yardım edir və ona yemək sifarişi verir. "Nə demişlər, iki millət, bir dövlət", - o bildirir.

Digər epizodda isə ticarət mərkəzlərindən birində Türkiyədən gələn və "yemək yeməyə pulu olmayan" gəncə dərhal yaxınlıqdakılar öz köməyini təklif edirlər. Türklərlə azərbaycanlıların qardaş olduqlarını, Türkiyənin Qarabağın azad edilməsində Azərbaycana verdiyi dəstəyi yada salırlar. Həmin sosial eksperimenti təqdim edirik:

Telegramda izləyin