Qazaxıstandan yeni açıqlama: "Rusiya belə bir tələblə çıxış edə bilməz"

Rusiya prezidenti Vladimir Putinin daha əvvəl qoşun tələb etdiyi Qazaxıstandan yeni açıqlama gəlib.

Sonxeber.az-ın xarici mətbuata istinadən məlumatına görə, Qazaxıstan xarici işlər nazirinin müavini Şahrat Nuruşev bildirib ki, Rusiya öz ölkəsindən Ukraynaya qoşun yeritmək üçün müraciət edə bilməz.

Rusiya ilə Ukrayna arasında birbaşa danışıqları dəstəklədiklərini vurğulayan Nuruşev "Təəssüf ki, bir-birlərini eşitmirlər. Danışıqların nəticəsini gözləyəcəyik" deyə bildirib.

Nuruşev Rusiyanın tələbi ilə ölkəsinin Ukraynaya əsgər göndərə biləcəyinə də toxunaraq, "Rusiya Qazaxıstandan qoşun göndərmək üçün müraciət edə bilməz. Çünki hazırkı böhran Kollektiv Təhlükəsizlik Müqaviləsi Təşkilatının (KTMT) yurisdiksiyasına daxil deyil." ifadəsini işlədib.

Həmçinin, Qazaxıstanda regional internet və televiziya xidmətləri göstərən şirkət bütün Rusiya televiziya kanallarının yayımını blokladığını açıqlayıb. Şirkət qərara səbəb kimi Ukraynanın işğalında Rusiya kanallarının Moskvayönlü mövqeyini göstərib.

Osmanlı Aygün

Telegramda izləyin