Ukrayna səfirini Qırğızıstandan geri çağırdı - Ölkədən REAKSİYA

Qırğızıstan Xarici İşlər Nazirliyi Ukrayna prezidenti Vladimir Zelenskinin səfiri Bişkekdən geri çağırmaq qərarına reaksiya verib.

Sonxeber.az RİA Novosti-yə istinadən xəbər verir ki, ölkədə səfirin geri çağırılmasıyla bağlı Ukrayna ilə mübahisə yersiz adlandırılıb.

"Ukrayna xalqı və ölkə rəhbərliyi çətin günlər yaşayır, çətin qərarlar qəbul edilir, ona görə də biz polemikaya girmək niyyətində deyilik. İndi bu, yersiz olardı", – deyə informasiya departamentinin direktoru Nurlan Suerkulov bildirib.

O əlavə edib ki, Qırğızıstan Ukrayna ilə hər zaman qarşılıqlı faydalı əməkdaşlığa hazırdır.

Xatırladaq ki, martın 1-də Zelenski Qırğızıstanda olan səfiri həmin ölkənin "Ukraynaya qarşı təcavüzə haqq qazandırması" səbəbilə geri çağırdığını açıqlayıb. O, həmçinin, Gürcüstandakı səfiri adı çəkilən ölkədən "Tiflisin sanksiyalara qarşı qeyri-mənəvi mövqeyinə" görə geri çağırıb.

Aygün Osmanlı

Telegramda izləyin