Putinin qızından sonra Lavrovun qızı da HƏDƏFƏ ALINDI

Bu yaxınlarda Vladimir Putinin qızı Luiza Krivonoqix Ukraynanın işğalına verilən reaksiyalara görə sosial media hesablarını bağlayıb.

Sonxeber.az xarici mətbuata istinadən xəbər verir ki, Putinin qızından sonra Rusiya xarici işlər naziri Sergey Lavrovun qızı da hədəfə alınıb.

Belə ki, Rusiyanın xarici işlər naziri Sergey Lavrovun Londonda yaşayan ögey qızı 26 yaşlı Polina Kovalyovanın dəbdəbəli həyatı üzə çıxıb.

Kovalyovanın Londonun lüks bölgələrindən birində 4,4 milyon funt sterlinq dəyərində evdə yaşadığı məlum olub.

"The Times" qəzetinin xəbərinə görə, fəallar onun da sanksiyaya məruz qalmalı olduğunu deyirlər. Kovalyovanın Lavrovun bütün beynəlxalq səfərlərində iştirak etdiyini və ən azı 60 dəfə rəsmi təyyarə ilə səfər etdiyi iddia olunur.

Aygün Osmanlı

Telegramda izləyin