"Atamın ölümünü instaqramdan öyrəndim" - Səyyad Əlizadənin oğlu

"Çox heyif ki, bu dünyanı tez tərk etdi. Onunla ənənəmiz var idi, hər il bir dəfə zooparka gedirdik və şəkil çəkdirirdik. Bu 6 il davam etdi. Təhsilimdən çox maraqlanırdı. Deyirdi ki, yaxşı təhsil al, gələcəkdə bizə və ailənə yaxşı dəstək ola biləsən. Onun arzularını yavaş-yavaş yerinə yetirəcəm".

Axşam.az xəbər verir ki, bu sözləri mərhum müğənni Səyyad Əlizadənin oğlu Atabəy "O üz" proqramında deyib. Atası ilə bağlı xatirələrini bölüşən Atabəy bildirib ki, atasının arzularını bir-bir yerinə yetirəcək:

"Aqustun 23-24-ü kəndimizə getdik. Nənəmgilin dəfn olunduğu qəbiristanlıq var. Nə zaman qəbiristanlığa getsək oranı özü təmizləyirdi və mənə də kömək üçün icazə verirdi. Bu dəfə icazə vermədi, tək özü etdi. Özünün dəfn olunduğu yeri də təmizlədi. Atam ağır halda xəstəxanaya aparıldı, amma sağalacağına inanırdım. Gecə 10-na qalırdı, instaqramı açdım, birinci atamın şəkli gəldi və "Allah rəhmət etsin, çox heyif" yazılmışdı. Onda bütün dünya başıma uçdu. Sonra evdəkilərdən zəng gəldi ki, atanın vəziyyəti ağırdır, gəl bura. Onda anladım ki, atam vəfat etdi. Bir gün olacaqdı, amma belə tez olacağını bilmirdim".

Telegramda izləyin