Avtobuslar niyə gecikir? - Say azlığı, yoxsa...? - AÇIQLAMA

İnsanlar çox vaxt avtobusların gec gəlməsindən şikayətlənirlər. Dəfələrlə narazılıq edən sərnişinlər nəqliyyat vasitələrinin yetərincə olmadığını hesab edirlər. Problem mütəmadi olaraq işıqlandırılsa da, hələ də həllini tapmayıb.

Məsələ ilə bağlı Sonxeber.az-a Bakı Nəqliyyat Agentliyinin sözçüsü Mais Ağayev açıqlama verib.

O bildirib ki, avtobusların sayı gecikməyə heç bir təsir etmir:

"Avtobusların gecikmə səbəbi yollarda olan tıxaclardır. Marşrut sayı təlabata uyğun istifadəyə verilir. Kartla işləyən avtobuslarda gün ərzində sərnişinlərin ortalama hesabı daha dəqiq bilinir. Adi günlərdə, qeyri iş günü və bayram günlərində neçə adamın ictimai nəqliyyatdan istifadə etdiyi ilə bağlı dəqiq rəqəmlər var.

Avtobuslar yolda nəqliyyat sıxlığı ilə rastlaşırlar. Artıq bu onların interval vaxtını gecikdirir. Ona görə deyirik ki, insanların daha rahat gedib-gələ bilmələri üçün şəhərin küçə və prospektlərində avtobus zolaqları olmalıdır".

ZAİRA AKİFQIZI

Telegramda izləyin