"Biz bir qarış torpağımızdan belə keçməyəcəyik" - Jalə Əhmədova

"Möhtərəm Prezidentimiz nəyi nə vaxt, nə zaman edəcəyini çox gözəl bilir".

Bunu Sonxeber.az-a deputat Jalə Əhmədova bildirib.

Deputat qeyd edib ki, məhz Ali Baş Komandanımızın diplomatik səriştəsi, vaxtında qəbul etdiyi qərarlar və Azərbaycan Ordusunun gücü sayəsində 44 günlük Vətən müharibəsində torpaqlarımız erməni işğalından azad olundu və Azərbaycan bütün dünyada qalib ölkə kimi tanındı:

"Ermənistan hakimiyyəti öz məğlubiyyətini kapitulyasiya aktına imza atmaqla qəbul etdi. 24 mart 2022-ci il tarixidə təxminən 50 evdən ibarət olan Fərrux kəndi də Azərbaycan Ordusunun nəzarətinə keçdi və erməni silahlı dəstələri kəndi tərk etdilər. Fərrux dağı hərbi-strateji əhəmiyyətə malik olan ərazilərdən biridir. Fərrux dağının ətəyində yerləşən kəndin Azərbaycanda olması isə həm də Ağdamın təhlükəsizliyinin təmin edilməsi deməkdir.
Azərbaycanı 10 noyabr bəyanatını pozmaqda ittiham edən Ermənistan hakimiyyəti bilməlidir ki, o tarixi torpaqlar bizimdir, Azərbaycanındır və biz bir qarış torpağımızdan belə keçməyəcəyik".

Aysel Yusifqızı

Telegramda izləyin