Ermənistanın "SU-30" yalanı - VİDEO

"SU-30" qalmaqalı getdikcə böyüyür. Ermənistanın Baş Naziri Nikol Paşinyan hər vəchlə qırıcıları Ukrayna cəbhəsinə göndərmədiyini desə də, "HABER GLOBAL" telekanalı yeni faktlar təqdim edib.

Bununla da Ermənistanın Baş nazirinin yalanı bir daha ifşa olunub. Qırıcıların Ukraynaya göndərilməsi ilə bağlı yeni faktların üzə çıxması Ermənistanın hərbi-siyasi rəhbərliyini də təşvişə salıb. Xəbər yayılandan sonra bir müddət şok keçirən, çaşqınlıq içində olan İrəvan, yavaş-yavaş şokdan ayılaraq yeni hiyləyə əl atıb.

Paşinyan, Suriyadan göndərilən qırıcıları tələm-tələsik Qərb ölkələrinin hərbi attaşelərinə nümayiş etdirsə də, bu onlara bir o qədər də inandırıcı gəlməyib.

Çünki, İrəvanın hiyləgər manevrlərinə vərdiş edən Amerika və Avropa ölkələri, bu gedişin də elə Paşinyansayağı gediş olduğunu düşünüblər. Beləliklə Rusiyanın narazılığı ilə qarşılaşan Ermənistan, digər tərəfdən də Qərbin artan təzyiqlərinə məruz qalacaq. Çünki Türkiyə kəşfiyyatına məlum olan faktlar NATO ölkələrinin xüsusi orqanlarına da məlumdur.

Artıq təzyiqlərin ilk dalğası özünü göstərməkdədir. Ağ Evin 2023-cü il üçün Ermənistana maliyyə yardımını xeyli azaltmasını, Birləşmiş Ştatların Ukrayna müharibəsinə görə Ermənistanı cəzalandırmaq addımı kimi qiymətləndirmək olar.

Beləliklə, özünü "balanslı siyasət" yürüdən dövlət kimi göstərmək istəyən Ermənistanın bu ikibaşlı siyasəti növbəti dəfə ona baha başa gəldi və diplomatik zərbə ilə nəticələndi./Real

Telegramda izləyin