Havanın dəyişkən olması nə ilə bağlıdır? - AÇIQLAMA

Son günlər hava şəraitinin dəyişkən olması insanların səhhətində narahatlıq yaradıb. El dili ilə desək, "əsl xəstəlik havası"dır. Belə ki, tempuratur 28 dərəcəyə yüksəldikdən sonra güclü külək və aşağı tempuraturla əvəzlənib. Bəs görəsən, bu nə ilə bağlıdır?

Mövzu ilə əlaqədar Sonxeber.az-a ekoloq Ənvər Əliyev açıqlama verib.

O bildirib ki, fəsillər dəyişəndə havaların bu cür olmağı normaldır:

"Dünənki havanın həddindən artıq isti olması və təzyiqin düşməsi nəticəsində şimaldan gələn hava axınları, təbii ki, bura gəlib çatmalıdır. Bu hava adətən 48-50 saata gəlib çıxır. Dünən Moskvada havanın kəskin dəyişməsi nəticəsində Azərbaycana şimaldan daxil olan hava kütlələri havanın soyuqlaşmasına, güclü küləklərin olmasına səbəb oldu. Təzyiq dəyişən kimi küləklər başlayır. Düşünürəm ki, hava daha da soyuyacaq. Azərbaycan ərazisi hazırda şimaldan gələn hava axınlarının təsiri altındadır. Amma Bakı onsuz da küləklər şəhəridir, boşuna "Badi Kubə" deyilmir. Şikayətlənmək düzgün deyil".

Aysel SƏFƏRZADƏ

Telegramda izləyin