Mübariz Mənsimov kirli keçmişini satın aldığı media qurumları vasitəsi ilə təmizləməyə çalışır

"Palmali Holding"in prezidenti Mübariz Mənsimovun adı hər zaman xoşagəlməz hadisələrdə hallanıb. FETÖ ilə əlaqələri ortaya çıxdıqdan sonra həbs edilən və bu günlərdə barəsində şərti həbs qərarı verilməklə azadlığa buraxılan Mübariz Mənsimov dövlətimiz əleyhinə yenidən öz kirli oyunlarını oynamağa başlayıb.

Mübariz Mənsimovun növbəti planı Azərbaycanda bir sıra media qurumlarını satın alaraq özü üçün qəhrəman və vətənpərvər obrazı yaratmaqdır.

Sonxeber.az xəbər verir ki, Demokrat.az-ın əldə etdiyi məlumata görə, bir neçə gün öncə Mübariz Mənsimov Azərbaycanda fəaliyyət göstərən bir neçə KİV rəhbərinə adının təmizə çıxarılması və ictimai müdafiəsi üçün ayrı-ayrı məbləğlərdə pul göndərib.

Məlumatda qeyd edilir ki, Mübariz Mənsimovun Bakıdakı yaxın adamı KİV rəhbərləri ilə görüşərək, istədikləri məbləğdə pulu onlara təqdim edərək onun haqqında sifariş etdiyi yazıları dərc etdirir.

Yayılan məlumatların doğru olduğunu sübuta yetirən bir neçə yazı da dərc edilmişdi. Lakin Mübariz Mənsimovun planı ortaya çıxdıqdan sonra həmin yazılar KİV-dən silindi. Görünür, Mübariz Mənsimov qaranlıq və kirli keçmişini satın aldığı media qurumları vasitəsi təmizləməyə və özünü xeyriyyəçi kimi qələmə verməyə çalışır. Amma unutmamalıdır ki, onun pulu və satın aldığı insanlar Azərbaycanın əldə etdiyi uğurlara kölgə sala bilməz! Çünki Azərbaycan xalqı öz dövlətinə inanır və puluna güvənərək müxtəlif kirli oyunlarla ölkəmizin uğurlarına kölgə salan Mübariz Mənsimov kimi insanları qınayır.

Leyla Nəsir

Telegramda izləyin