Mübariz Mənsimov sonuncu müsahibəsində insanları "dolamağa" çalışdı

Son dövrlər "Palmali Holding"in prezidenti Mübariz Mənsimov fəaliyyəti və verdiyi açıqlamaları ilə cəmiyyəti aldatmağa çalışır. Hətta ona bu yolda Bakıda yaşayan yaxını da kömək edərək pul qarşılığında xeyrinə yazılar da yazdırır. Əslində Mübariz Mənsimov sonuncu müsahibəsində simasını ortaya çıxararaq taxdığı "maskanı"elə özü cırmış oldu.

Sonxeber.az xəbər verir ki, Mübariz Mənsimov sonuncu müsahibəsində izləyiciləri "avam yerinə qoyaraq", həddindən artıq ziddiyyətli və sübutu olmayan ifadələr səsləndirərək insanları "dolamağa" çalışdı. Lakin Mübariz Mənsimovun budəfəki planı da baş tutmadı.

Çünki müsahibəni izləyən və oxuyan oxucular Mübariz Mənsimovu saxtakar adlandıraraq qınadılar. Heç kəsə sirr deyil ki, o, hər dəfə maliyyələşdirildiyi media orqanları vasitəsilə bu cür açıqlamalar verərək azərbaycanlıları ləkələməyə və gözdən salmağa çalışır.

Ən önəmlisi isə müsahibəsində onun ziddiyyət, qeyri-səmimilik, eləcə də qatı millətçi və azərbaycançı olduğu barədə dediklərinin boğazdan yuxarı pafos olduğu dərhal sezilir.

Düşmən üzərində möhtəşəm qələbə əldə edildiyi və separatçı ermənilərə qarşı mübarizə aparıldığı bir dövrdə Mübariz Mənsimovun bu cür əsassız fikirlər sənləndirməyi hər kəsin beynində "niyə" sualını formalaşdırır. Görünür, o bu yolla öz kirli əməllərini ört-basdır etməyə çalışır. Amma unutmamalıdır ki, Azərbaycan xalqı avam deyil, pisi yaxşıdan ayıraraq bu cür insanlara qarşı mübarizə aparır.

Leyla Nasir

Telegramda izləyin