Bakıda dələduzlar siqareti bu cür bahalaşdırdı

Bakıda artıq bir neçə gündür ki, bəzi siqaret markaları, o cümlədən "Sobranie" siqaretlərinin bir çeşidi -"göy" rəngdə olan marketlərdə satılmır.

Sonxeber.az xəbər verir ki, bütün marketlərdə "ağ" (1 qətran, 0,1 nikotin) və "qara" (6 qətran, 0,5 nikotin) satılsa da, "göy-nazik" (3 qətran, 0,3 nikotikn) yoxa çıxıb. Satıcıların sözlərinə görə, bu marka marketlərə gətirilmir.

Ancaq sözügedən marka Bakıda qəzetdən başqa hər şey satılan qəzet köşklərində, yalnız tütün məmulatları satılan yerlərdə heç bir məhdudiyyət olmadan satışdadır. Qiymət isə hər keçən gün qalxır.

Əgər ilk "yoxaçıxmada" sözügedən marka 4 manat olduğu halda, 4,3-4,5 manata satılırdısa, hazırda 5 manata təklif edilir. Səbəbi kimi isə bu markanın marketlərdə olmadığı göstərilir.

Maraqlıdır, bu siqaret markasının istehsalında problem varsa, niyə yalnız köşklərdə satılır və qiyməti də 25% qaldırılıb?

Qeyd edək ki, sözügedən siqaretlər Bakıda istehsal olunur. "Baku Tobacco" məsələ ilə bağlı heç bir açıqlama yaymayıb.

Telegramda izləyin

instagramda izləyin