"Brüssel görüşü Azərbaycan və Ermənistan münasibətlərinin normallaşdırılması itiqamətində növbəti addımdır"

"Brüssel görüşü Azərbaycan və Ermənistan münasibətlərinin normallaşdırılması itiqamətində növbəti addımdır""Dünən keçirilən Brüssel görüşü 5 saata qədər davam edib və kifayət qədər əhatəli müzakirələrlə yadda qalıb".

Bu sözləri Sonxeber.az-a açıqlamasında Milli Məclisin deputatı, siyasi elmlər doktoru, professor Elman Nəsirov deyib.

O bildirib ki, Azərbaycan Respublikasının Prezidenti cənab İlham Əliyevlə Ermənistan Baş naziri Nikol Paşinyan arasındakı görüşü Avropa İttifaqı Şurasının prezidenti Şarl Mişel təşkil edib:

"Burada bir çox prinsipial məsələlər üzrə razılığın əldə olunması qeyd olunur. Bu danışıqlar prosesinin əhəmiyyətli məqamlarından birincisi onunla bağlıdır ki, danışıqlar sırasında və əldə edilmiş razılaşmalar prosesində heç bir halda "Dağlıq Qarabağ" ifadəsi işlədilmir. Bunun isə çox böyük siyasi mənası və çəkisi var. Ermənistan əvvəllər "Dağlıq Qarabağ" ifadəsi işlədirdi, eyni zamanda onun müstəqilliyindən bəhs edirdi. İndiki halda isə yalnız Qarabağda yaşayan erməni əhalisinin təhlükəsizliyi, hüquqları dilə gətirilir, onlar müzakirə olunur. Azərbaycan dövləti, siyasi rəhbərliyi də dəfələrlə vurğulayıb ki, Azərbaycan çoxmillətli dövlətdir, ermənilər də, digər etnoslar kimi, eyni hüquqlara malikdirlər. Bu bizim prinsipial mövqeyimizdir.

Danışıqlar prosesində, təbii ki, humanitar məsələlər də diqqət mərkəzində saxlanılıb. Minadan təmizlənmə və itkin düşmüş şəxslərin taleyi də çox ciddi şəkildə müzakirə olunub. Cənab Prezident İlham Əliyev dəfələrlə qeyd edib ki, Ermənistan tərəfi minalarla bağlı bizə xəritələr təqdim edib, amma onların dəqiqlik göstəricisi 25 faizə yaxındır. Yəni bu məsələlərə də bir aydınlıq gətirilməlidir. Eyni zamanda 4000-ə qədər soydaşımızın birinci Qarabağ müharibəsində taleyi ilə bağlı Ermənistan açıqlama vermir, bu da çox ciddi müzakirə predmetidir.

Bundan əlavə, bu iki dövlət arasında sərhədlərin delimitasiya və demarkasiyası ilə bağlı prosesin işlək vəziyyətə keçməsi də bir başqa mövzudur. Əvvəlki görüşlərdə bu istiqamətdə ilkin razılaşmalar əldə edilib. Budəfəki Brüssel görüşündə də əldə edilmiş razılığa görə, lap yaxın zamanlarda hər iki ölkənin komissiyaları sərhəddə birgə görüş keçirəcəklər, burada sabitliyin təmin edilməsi ilə bağlı mexanizmləri müzakirə edib müəyyən qərarlar qəbul edəcəklər.

Ən mühüm məsələlərdən biri də Azərbaycan və Ermənistan arasında nəqliyyat kommunikasiyalarının bərpası və bu kontekstdə Zəngəzur dəhlizinin işə salınmasıdır. Keçirilən 3-cü Brüssel görüşündə əldə edilmiş razılaşmaya görə, bu istiqamətdə fəaliyyət daha da genişləndiriləcək, konkret əməli addımlar atılacaq.

Bu danışıqlar prosesində həm də iki ölkə arasında ümumi gömrük prinsiplərinin müəyyən edilməsi ilə bağlı müzakirələr gedib.

Nəhayət, bütün bu prosesin məntiqi nəticəsi olaraq sülh müqaviləsi imzalanması strateji hədəfdir. Tərəflər razılıq əldə ediblər ki, bundan sonra da aparılan intensiv danışıqlar prosesində həmin hədəfə nail olunması üçün daha ciddi addımlar atılacaq və böyük sülh sazişinin imzalanması üçün münbit şəraitin təmin edilməsi naminə proseslər daha da sürətləndiriləcək. Azərbaycan və Ermənistan münasibətlərinin normallaşdırılması ilə bağlı məsələlərdə, təbii ki, Avropa İttifaqının artan rolu diqqətdən yayınmır. Avropa İttifaqı üzərinə götürüb ki, sülh müqaviləsi imzalanması, xüsusilə də iki dövlətin, xalqın arasındakı etimad mühitinin formalaşması üçün rəsmi Brüssel də əlindən gələn imkanları səfərbər edib, bu istiqamətdə yardımını göstərəcək.

Bütün bunları nəzərə alıb söyləmək olar ki, Brüssel görüşü Azərbaycan və Ermənistan münasibətlərinin normallaşdırılması itiqamətində növbəti addımdır və Azərbaycan Prezidentinin rəhbərliyi altında ölkəmizin diplomatiyasının uğuru kimi dəyərləndirilə bilər".

Aysel SƏFƏRZADƏ


Sonxeber.az Telegramda izləyin instagramda izləyin
Siyasət   Baxılıb: 1790   Tarix: 23 may 2022  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

DİGƏR MARAQLI XƏBƏRLƏR

"Rəsmi Vaşinqton Azərbaycan Prezidentinin mahir diplomat olduğunun fərqindədir"

"ABŞ prezidenti Cozef Baydenin ölkəmizi müstəqillik günü ilə bağlı Azərbaycan Respublikasının Prezidenti cənab İlham Əliyevə ünvanladığı təbrik məktubu bir daha sübut edir ki, Birləşmiş Ştatlar Azərbaycanın regiondaki yerini, rolunu və çəkisini yüksək qiymətləndirir". Bu sözləri -a Milli Məclisi

23 may

Şuşa Real Məktəbi bərpadan sonra necə olacaq? - VİDEO

Şuşa Real Məktəbinin binasının bərpadan sonra necə olacağı ilə bağlı görüntülər yayılıb. Bu barədə videonu Təhsil Nazirliyi paylaşıb. Qeyd edək ki, Prezident İlham Əliyev Şuşa şəhərində Şuşa Real Məktəbinin binasının layihələndirilməsi və bərpası ilə bağlı tədbirlər haqqında Sərəncam imzalayıb

23 may

İlham Əliyev Roma Papasına məktub göndərdi

Prezident İlham Əliyev Roma Papası Fransiskə təbrik məktubu ünvanlayıb. xəbər verir ki, məktubun mətnində deyilir:. "Zati-müqəddəsləri,. Azərbaycan Respublikası ilə Müqəddəs Taxt-Tac arasında diplomatik münasibətlərin qurulmasının 30 illiyi ilə əlaqədar Sizi öz adımdan və Azərbaycan xalqı adında

23 may

Seyfəli poliqonunda sursatların utilizasiyası aparılacaq

Azərbaycan Ordusunun bölmələri tərəfindən istismar müddəti başa çatmış və istifadəyə yararsız olan döyüş sursatlarının təhlükəsizlik tədbirlərinə əməl olunmaqla planlı şəkildə utilizasiyası davam etdirilir. Bu barədə Müdafiə Nazirliyindən bildirilib. Döyüş sursatlarının utilizasiya prosesi 23.05.2022-c

22 may

Estoniya Parlamentinin sədri Azərbaycana gəlir

Estoniya Parlamentinin sədri Yuri Ratas Azərbaycana səfərə gəlir. Bu barədə Yuri Ratas feysbukda bildirib. O, Azərbaycan Prezidenti, Baş nazir və Milli Məclisin sədri ilə görüşlər keçirəcəyini yazıb

22 may

İlham Əliyevlə Şarl Mişel arasında rəsmi görüşöncəsi səmimi söhbət

Mayın 22-də Brüsselə səfər edən Azərbaycan Prezidenti İlham Əliyevin burada Avropa İttifaqı Şurasının Prezidenti Şarl Mişellə görüşü diqqət çəkib. İkili arasında rəsmi təkbətək görüşdən əlavə, ayaqüstü səmimi söhbət də olub. Görüşdə iştirak edən media nümayəndələrinin diqqətindən qaçmayan rəsmi görüşöncəs

22 may

"Zəngəzur Azərbaycanın nəzarətinə keçərsə, Ermənistan yox olacaq" – ERMƏNİ DEPUTAT

"Turanın zənciri Zəngəzurdan keçir və təsadüfi deyil ki, Türkiyə-Azərbaycan tandeminin iştahı və əsas vəzifəsi nəhayət arzularını həyata keçirmək və Ermənistanın zəifləmiş durumundan istifadə edərək, tarixi qələbəni bəyan etməkdir". Bu fikirləri mayın 22-də Fransa meydanında keçirilən müzakir

22 may

İlham Əliyevin Mişel və Paşinyanla görüşü başladı

Mayın 22-də Brüsseldə Azərbaycan Respublikasının Prezidenti İlham Əliyevin Avropa İttifaqı Şurasının Prezidenti Şarl Mişel və Ermənistan Respublikasının baş naziri Nikol Paşinyan ilə görüşü başlayıb. Bu barədə Prezidentin Mətbuat Xidməti məlumat yayıb

22 may

Şarl Mişel: "Avropa İttifaqı Ermənistan ilə Azərbaycan arasında vasitəçilik səylərini davam etdirəcək"

"Avropa İttifaqı Ermənistan ilə Azərbaycan arasında vasitəçilik səylərini davam etdirəcək". Bunu Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyev ilə təkbətək görüşündə deyib. Şarl Mişel Avropa İttifaqının Ermənistan ilə Azərbaycan arasınd

22 may

vipemlak.az