Əhməd İsmayılov: "TURKİC.World" layihəsinin bir illik fəaliyyətini yüksək qiymətləndiririk

Əhməd İsmayılov: "TURKİC.World" layihəsinin bir illik fəaliyyətini yüksək qiymətləndiririkTURKIC.WORLD layihəsinin fəaliyyətə başlamasından bir il ötür. Suallarımızı Azərbaycan Respublikasının Medianın İnkişafı Agentliyinin İcraçı direktoru Əhməd İsmayılov cavablandırır.

Əhməd müəllim, bu layihənin bir il ərzindəki fəaliyyətini, ümumilikdə, layihənin önəmini necə dəyərləndirirsiniz?

44 günlük Vətən müharibəsi dövründə Türkiyənin Azərbaycanın yanında olması, Azərbaycana siyasi və mənəvi dəstəyi bütün sahələrdə olduğu kimi media sahəsində də əvəzedilməz rol oynadı və informasiya cəbhəmizin daha da güclənməsinə səbəb oldu. Bu təcrübə dövlətlərimizin təsir və təzyiqlərə birgə koordinasiyalı cavab verməsinin, bir sözlə, media sahəsində əlaqələrimizi inkişaf etdirməyin vacibliyinin göstəricisidir.

Əminliklə söyləmək olar ki, ortaq tarixi, dini, mədəni və dil dəyərlərimizi əsas götürərək, türk dünyasının vahid kommunikasiya platformasını yaratmaq məqsədilə reallaşdırılan "TURKİC.World" ("Türk dünyası") layihəsi artıq öz bəhrəsini verməkdədir. Türkdilli ölkələr arasında əlaqələrin daha da inkişaf etdirilməsi həm Azərbaycan Respublikasının Prezidenti cənab İlham Əliyevin, həm Türkiyə Respublikasının Prezidenti cənab Rəcəb Tayyib Ərdoğanın, həm də digər türkdilli ölkələrin rəhbərlərinin diqqət mərkəzindədir.

Qısa müddət ərzində bu platformaya digər türkdilli dövlətlərin də qoşulması Türk dünyasının birlik, həmrəylik və əməkdaşlıq ideyasını rəhbər tutaraq möhkəmlənən əlaqələrinin media sahəsində də uğurla davam etdiyinin göstəricisidir. Hazırda bir-birlərindən yüz kilometrlərlə uzaqda yaşayan qardaş xalqlar mədəni, sosial, dil, təhsil kimi mövzularda soydaşları barədə məlumatlar əldə edir, həmçinin "Türk dünyası" öz xəbərlərini rus və ingilis dillərində yayımlayır.

Məhz bu səbəblərdən Trend İnformasiya Agentliyi və Türkiyə Respublikasının "Albayrak Media Groupu"nun birgə yaratdığı və türkdilli dövlətlərin ilk ortaq rəqəmsal media platforması olan "TURKİC.World" ("Türk dünyası") layihəsinin fəaliyyətini müstəsna əhəmiyyətli hesab edir, platformanın bundan sonra da öz missiyasını ən yüksək səviyyədə həyata keçirəcəyinə inanırıq.

Bu layihə türk dövlətləri arasında informasiya mübadiləsinin genişləndirilməsində və Azərbaycan həqiqətlərinin türk dünyasına çatdırılmasında nə kimi rol oynayır?

Əlbəttə ki, adıçəkilən media platforması həm Türkiyə və Azərbaycan, həm də layihədə təmsil olunan digər türkdilli ölkələrin informasiya mübadiləsində əhəmiyyətli rol oynamaqdadır. Böyük coğrafi məkanda yerləşən Azərbaycan, Türkiyə, Qazaxıstan, Qırğızıstan, Özbəkistan və Türkmənistan kimi dövlətlər öz ortaq tarixi, mədəni, dini dəyərlərinə əsaslanaraq müxtəlif sahələrdə uğurla əməkdaşlıq edir, qarşılıqlı strateji tərəfdaşlıq özünün ən yüksək səviyyəsinə qədəm qoyur.

Bilirsiniz ki, "Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında" Anlaşma Memorandumuna əsasən birgə media platformasının əsas məqsədi media və kommunikasiya sahəsində ikitərəfli əlaqələrin və əməkdaşlığın daha da gücləndirilməsi, strateji media ortaqlığının yaradılmasıdır. Buna görə də, media sahəsində bilik, təcrübə və mənbələrin paylaşılması, beynəlxalq arenada rast gəlinən dezinformasiyaya qarşı birgə mübarizə aparılması və dünya ictimaiyyətinin düzgün məlumatlandırılması, iki ölkənin fikir öndərləri arasında rabitə körpüsünün qurulması baxımından qeyd olunan layihə xüsusi əhəmiyyət daşıyır.

Şübhəsiz ictimai rəyin düzgün istiqamətdə formalaşmasında medianın rolu danılmazdır. Medianın maarifçilik fəaliyyəti nəticəsində dövlətçilik dəyərlərimiz daha da möhkəmlənməklə yanaşı, ictimai fikrin zərərli təsirlərə qarşı müqaviməti də güclənmiş olur.

Müzəffər Ali Baş Komandanın qətiyyəti və fədakarlığı, qəhrəman Azərbaycan Ordusunun rəşadəti sayəsində 44 günlük Vətən müharibəsində qazandığımız qələbə bütün sahələrdə olduğu kimi media ictimaiyyətinin də işində əsaslı dönüş yaratmışdır. Qələbənin əldə olunmasında istər ön, istərsə də arxa cəbhədə fədakarlıq göstərmiş hər bir insanın həyat hekayəsini, möhtəşəm Zəfərimizə verdiyi töhfəni işıqlandırmaq, geniş auditoriyaya çatdırmaq Azərbaycan jurnalistikasının əsas mövzusudur. İndi Azərbaycan mediası öz işini qalib ölkənin və müasir çağırışların tempinə uyğunlaşdırmaq üçün yeni konseptual yanaşma sərgiləməkdədir.

Vətən müharibəsi sınağından bizimlə birgə keçmiş qardaş ölkənin media nümayəndələri dayanmadan döyüş bölgələrindən reportajlar hazırlamaqla haqq səsimizi dünyaya çatdırdılar. Bu həmrəylik bizi daha da ruhlandırdı və bizə əlavə güc verdi. Hərbi, siyasi, iqtisadi, mədəni, təhsil, ticarət sahələrində olduğu kimi, media əlaqələrimizin də daha dərindən və əhatəli inkişafı, yeni layihə və platformalar əsas prioritet hədəflərimizdən oldu. Bu gün artıq onun bəhrəsini görməkdəyik.

Bu kimi layihələr Azərbaycan mediasının beynəlxalq informasiya məkanına inteqrasiyasına hansı töhfələr verir?

Bu və bənzər layihələrin haqq səsimizin dünyaya çatdırılmasında, eyni zamanda, Azərbaycan mediasının beynəlxalq informasiya məkanına inteqrasiyasında xüsusi rolu vardır. İnanırıq ki, "TURKİC.World" media platforması türk dünyasının həqiqətlərinin dünya ictimaiyyətinə çatdırılmasında önəmli vasitəyə çevrilib. Ölkələrimiz haqqında həqiqətləri beynəlxalq auditoriyaya çatdırmaq üçün güclü mediaya və jurnalistlərimiz arasında həmrəyliyə çox böyük ehtiyacımız var. Azərbaycanın, Türkiyənin, bütünlükdə türk dünyasının həqiqətlərini işıqlandırmaq, beynəlxalq aləmi obyektiv informasiya ilə təmin etmək üçün biz – media nümayəndələri peşəkarlığımızı və sayıqlığımızı daha da artırmalıyıq


Sonxeber.az Telegramda izləyin instagramda izləyin
Sosial   Baxılıb: 359   Tarix: 26 may 2022  

Şikayətiniz varsa Whatsapp: 051 7028255

Facebookda Paylaş


DİGƏR MARAQLI XƏBƏRLƏR

Hicama haqqında nələri bilirik?

Son zamanlar çox eşitdiyimiz, "hicama", "hacamat" kimi tanınan küpə terapiya müalicə üsulu barədə nələri bilirik?. -ın verdiyi xəbərə görə, bu barədə həkim-fitoterapevt, apiterapevt, bitkilər üzrə elmi işçi Elnur Eldaroğlu izləyicilərini məlumatlandırıb. Hicama faydaları çox ols

12 avqust

Görünməmiş DƏLƏDUZLUQ: 70 minə aeroportda vəzifə, ipoteka ilə ev vədi

Bakıda ana və oğluna qarşı dələduzluq edən Nurlan Tağızadənin cinayət işi üzrə ibtidai istintaq başa çatıb. -ın məlumatına görə, cinayət işi üzrə toplanan materiallar baxılması üçün Binəqədi rayon Məhkəməsinə göndərilib. İş hakim Fərid Əmirəliyevin icraatına verilib. Əldə etdiyimiz məlumata görə, fizik

26 may

Təhsil Nazirliyi: Şabranda körpələr evi-uşaq bağçası ilə bağlı yayılan məlumatlar araşdırılır – FOTO

Şabran şəhər 1 saylı körpələr evi-uşaq bağçası ilə bağlı sosial mediada yayılan məlumatlar araşdırılır. Bu barədə Təhsil Nazirliyinin mətbuat katibi Cəsarət Valehov məlumat yayıb. O bildirib ki, hazırda məsələ araşdırılır:. "Araşdırmanın nəticəsi barədə ictimaiyyətə əlavə məlumat veriləcək"

25 may

DİQQƏT! Uşaqlar arasında YENİ VİRUS: Gözləri, qulaqları...

"Son dövrlərdə xüsusən də son 1 ayda uşaqlar arasında konyunktivlər (göz qızartıları) artıb. Gözlərin hiperimiyası artıb. Bunun da səbəbi onun virus mənşəli olmasıdır". Bunu -a açıqlamasında pediatr Qoşqar İsmayılov deyib. O bildirib ki, belə virusların aktivləşməsi hava şəraiti ilə bağlıdır:

25 may

Qaxa güclü dolu yağıb - FOTO

Qax rayonuna dolu yağıb. "Report" xəbər verir ki, dolu əsasən şəhər ərazisinə və bir neçə kəndə düşüb. Təqribən bu gün axşam saat 21:30-dan etibarən yağmağa başlayan dolu 10 dəqiqə müddətində davam edib. Dolu meyvə ağaclarına ziyan vurub. Qeyd edək ki, şimal-qərb bölgəsində dünəndən etibarə

25 may

Həcc ziyarətinin qiyməti niyə artıb? - AÇIQLAMA + VİDEO

"Son vaxtlar dünyada baş verən qiymət artımı Həcc ziyarəti ilə bağlı məsələlərə də təsir edib". Bunu ARB 24-ün "İş Vaxtı" verilişinə açıqlamasında QMİ-nin sədr müavini Salman Musayev deyib. O bildirib ki, Bakıdan gediş-gəliş üçün zəvvarlara çəkilən bütün xərclər 5350 ABŞ dolların

25 may

Gürcüstandakı soydaşlarımızla bağlı ŞAD XƏBƏR

Gürcüstandakı soydaşlarımızla bağlı sevindirici xəbər verilib. Ölkə parlamentinin komitə sədri qanun layihəsi ilə bağlı Baku TV-yə danışıb. Belə ki, yeni qanun layihəsinə əsasən, qonşu ölkədə yaşayan azərbaycanlılar soyadlarını dəyişə biləcəklər. Daha ətraflı sujetdə:

25 may

Daşkəsənə dolu yağıb – FOTO

Gəncə və ətraf rayonlarında höküm sürən qeyri-sabit hava şəraiti nəticəsində Daşkəsən rayonuna dolu yağıb. APA xəbər verir ki, bu gün axşam saatlarında leysan yağışdan sonra təxminən 10-15 dəqiqə rayonun Xoşbulaq kəndinə dolu düşüb. Rayon icra hakimiyyətindən bildirilib ki, güclü yağış və dolu yağmas

25 may

Hacı Nuran AÇIQLADI: Onunla şəkil çəkdirməyin mistikası nədir? - VİDEO

Baku TV-də yayımlanan "O kimdir?" verilişinin budəfəki qonağı "Həyat" Fondunun rəhbəri, aparıcı Hacı Nuran olub. Xərçəng xəstəliyindən əziyyət çəkən xeyriyyəçi müalicəsindən, həkimlərin ona qoyduğu qadağalardan danışıb. "Bir təbrikə 45 dəqiqə vaxt sərf edirəm. Hərdən olur ki

25 may

vipemlak.az