Xəzər Universitetində yerləşdirilən bu elan müzakirələrə səbəb oldu

Xəzər Universitetinin həyətində yerləşdirildiyi bildirilən elan müzakirələrə səbəb olub.

Axşam.az xəbər verir ki, bu barədə təhsil eksperti Kamran Əsədov sosial media hesabında yazıb

Sözügedən elanda tələbələrin kənardan yemək gətirməsinin qəti qadağan olunduğu, əks halda onların töhmət alacaqları qeyd olunub.

"Töhmət nədir? Tələbəni daxili nizam-intizam qaydalarını pozduğuna görə xaric etmək, universitetin işgüzar fəaliyyətinə xələl gətirdiyinə görə məhkəməyə verib təzminat almaq lazımdır. Ona görə də biz xarici ölkələrdən mütəxəssislər gətiririk, uşaqları xarici universitetlərə qəbul etdirik ki, maksimum dərəcədə bu anormallıqdan uzaq olsunlar. Azərbaycan universitetlərinin Azərbaycan elmində, sənayesində, iqtisadiyyatında, səhiyyəsində hansı rolu var?" - ekspert məsələyə münasibət bildirib.

Qeyd edək ki, ali təhsil ocağının rektoru İradə Xəlilovadır.

Telegramda izləyin