Müğənni ən xoşbəxt gününün ən bədbəxt gününə çevrilməsindən danışıb kövrəldi - VİDEO

Mənzurə Musayeva ailə qurarkən səhv seçim etməsindən danışıb.

Sonxeber.az-ın məlumatına görə, müğənni ATV-nin "1 dəqiqə" proqramına qonaq olub.

O, aparıcının suallarını səmimiyyətlə cavablandırarkən göz yaşlarını saxlaya bilməyib.

Mənzurə xanım ən xoşbəxt və ən bədbəxt gününü yada salıb ağlayıb. Bildirib ki, onun hər iki günü də toy günü olub:

"Sevdiyim oğlanla həyat quranda hiss etdim ki, mən xoşbəxtəm. Amma sən demə, mən çox səhv etdim. Elə evliliyin ilk günündən bildim ki, səhv etmişəm. Mən elə bilirdim ki, illərlə onu sevmişəm, ailə qurandan sonra həyat dəyişəcək, başqa olacaq. Amma bunun tam əksi oldu, mən çox bədbəxt oldum. Təkcə sənətimə baxanda düşünürdüm ki, xoşbəxtəm, Nə yaxşı ki, Allah bunu mənə bəxş edib. Başqa xoşbəxtlik görmədim.

Ən bədbəxt günüm isə sevdiyin insanla boşandığım o gündür. 7 il birgə yaşadığın insanla ayrıldığın an. O insanı seçdiyinə peşman olursan. Həm də övladın olmur ki, yenə də deyəsən ki, bununla xoşbəxt olum. Məni Allah sınağa çəkdi".

Aysel SƏFƏRZADƏ

Telegramda izləyin