Azərbaycan məhsulları BAHA satılır: "Biz təkcə Rusiya bazarını tanıyırıq, vəssalam"

Azərbaycan məhsulları BAHA satılır: "Biz təkcə Rusiya bazarını tanıyırıq, vəssalam""Biz başqa bazarlara çıxışa nail olsaq, kənd təsərrüfatı istehsalçısı ümumiyyətlə Rusiya bazarına maraq göstərməz. Çünki başqa ölkələrdə Azərbaycanın kənd təsərrüfatı məhsullarının qiyməti həddindən artıq bahadır. Lakin biz təkcə Rusiya bazarını tanıyırıq, vəssalam! Bu da sovet dövründən qalan ənənədir".

Sonxeber.az mövzu ilə bağlı "Kaspi" qəzetinin məqaləsini təqdim edir.

Kəndlinin, fermerin məhsul yetişdirməsi ölkənin ərzaq təhlükəsizliyində mühüm rol oynayır. İstehsal olunan məhsullar daxili tələbatı tam təmin edirsə, yerdə qalanın ixrac edilməsi hər bir ölkənin siyasi-iqtisadi prioritetləri sırasındadır. Bu gün Azərbaycanda da bu istiqamətdə işlər həyata keçirilir, mütəmadi proqramlar reallaşdırılır. Həmçinin kəndlini, fermeri stimullaşdırmaq üçün subsidiyalar, kreditlər verilir. Lakin əkin sahələrindən, bağlardan toplanan meyvə-tərəvəzin ixracı məsələsində müəyyən problemlər hələ də qalmaqdadır.

Amma problemlərə baxmayaraq, Azərbaycanda kənd təsərrüfatı məhsullarının ixracı artır. Dövlət Gömrük Komitəsinin yaydığı hesabatda bildirilir ki, yanvar-aprel aylarında meyvə-tərəvəz ixracında artım qeydə alınıb. Hesabata görə, bu ilin yanvar-aprel aylarında Azərbaycan xarici ölkələrə 162 602,25 min ABŞ dolları dəyərində 127 722,92 ton meyvə-tərəvəz ixrac edib. Bu da o deməkdir ki, ötən ilin yanvar-aprel ayları ilə müqayisədə ixrac olunan meyvə-tərəvəzin dəyərində 23,6%, həcmində isə 6,4% artım olub. Xatırladaq ki, ixrac olunan meyvə-tərəvəz məhsulları, əsasən, tomat, meşə fındığı, alma, xurma, kartof və nar olub. Azərbaycanda kənd təsərrüfatı məhsullarının ixracında daha böyük potensialın olduğunu əksər ekspertlər vurğulayırlar. Bəs görəsən, ixracı daha da artırmaq üçün hansı addımlar atılmalıdır? Fermerləri stimullaşdırmaq üçün nə etmək lazımdır?

Mövzu ilə bağlı "Kaspi" qəzetinə açıqlamasında iqtisadçı Pərviz Heydərov bildirdi ki, bilavasitə tədarükçülərin özlərinə ölkədənkənar bazarlara çıxış üçün müvafiq imkanların yaradılması təşkil olunmalıdır: "Yəni bir var, bu və ya digər işbazların məhsulu dəyər-dəyməzinə alıb ölkədən kənara çıxarıb satmağı, bir də var ki, həmin məhsulu istehsal edən istehsalçının özünün bazara çıxışının təmin edilməsi. Şərt deyil ki, kəndli becərdiyi məhsulu hansısa bazarda satsın, sadəcə olaraq, istədiyi qiymətə sata bilsin və onu reallaşdırmaq imkanı əldə etsin. Birinci şərt budur. Yəni kənd təsərrüfatı istehsalçıları üçün bazarlara çıxış əlçatan olmalıdır. Bir sözlə, onlara bazarlara çıxaraq öz məhsullarını istədikləri qiymətə reallaşdırmaq imkanı yaradılmalıdır".

Ekspert qeyd edib ki, meyvə-tərəvəz ixracından söhbət gedəndə ancaq Rusiya bazarı nəzərdə tutulur: "Bu vəziyyəti nə vaxtsa aradan qaldırmalıyıq. Əlbəttə, başa düşürəm və hamıya aydındır ki, Rusiya böyük bazardır. Bizim kənd təsərrüfatı məhsullarını bu bazara çıxarmaq digər bazarlara çıxarmaqdan daha asandır, əlverişlidir. Amma Azərbaycanın elə növ kənd təsərrüfatı məhsulları var ki, onu Rusiya bazarında satdığımızdan dəfələrlə artıq qiymətə sata bilərik. Hansı ki, bu, kənd təsərrüfatı istehsalçıları üçün çox böyük bir stimul yarada bilər. Amma biz bu bazarlara çıxırıqmı? Yox! Nəyə görə çıxa bilmirik? Ona görə ki, bu sahədə, yəni daşımalarda, həmin bazarlara əlçatanlıq baxımından müvafiq şərait yoxdur. Kəndli pomidorunu, xiyarını, kartofunu və sair məhsulunu Türkiyə, Yaxın Şərq, Avropa bazarında sata bilmir. Yəni Rusiya bazarına alternativ bazarlara çıxa bilmir. Təkrar edirəm, biz başqa bazarlara çıxışa nail olsaq, həmin kənd təsərrüfatı istehsalçısı, ümumiyyətlə Rusiya bazarına maraq göstərməz. Çünki başqa ölkələrdə Azərbaycanın kənd təsərrüfatı məhsullarının qiyməti həddindən artıq bahadır. Lakin biz təkcə Rusiya bazarını tanıyırıq, vəssalam! Bu da sovet dövründən qalan ənənədir. Azərbaycan artıq 30 ildən çoxdur müstəqildir, amma yenə də aqrar məhsulların satış məkanı dedikdə, qeyri-ixtiyarı olaraq, elə Rusiya bazarını nəzərdə tuturuq".

P.Heydərov qeyd etdi ki, indi Rusiya bazarı sanksiyalarla üz-üzədir: "Bu, hamıya məlumdur. Yəni Rusiyada qiymətlər aşağı düşüb, bazar əvvəlki kimi cəlbedici deyil, əhalidə pul yoxdur. Hələ bilinmir ki, bundan sonra nə olacaq. Yanvar-aprel aylarında meyvə-tərəvəzin ixracında artım olması çox yaxşıdır. Amma təhlükə də var. Ola bilsin ki, Rusiya və Ukraynadakı vəziyyətlə əlaqədar olaraq gələcəkdə kənd təsərrüfatı məhsullarının ixracı artmaq əvəzinə, azalsın. Bu baxımdan hesab edirəm ki, istehsalçının öz məhsulunu bilavasitə özünün bazara çıxarmasına nail olmaq, bazara çıxışın əlçatanlığını təmin etmək və Rusiya bazarına alternativ bazarlar tapmaq lazımdır. Qalan məsələlər, deyək ki, istehsalçını stimullaşdırmaq, kənd təsərrüfatı məhsullarının istehsalı ilə məşğul olan kiçik və orta sahibkarlara dövlət tərəfindən müvafiq dəstəyin verilməsi kimi məsələlər sonrakı işlərdir. Əsas odur ki, istehsalçıya öz məhsulunu maya dəyərindən yuxarı qiymətə satmaq imkanı verilsin".


Sonxeber.az
Telegramda izləyin
İqtisadiyyat   Baxılıb: 1490   Tarix: 04 iyun 2022  

Şikayətiniz varsa Whatsapp: 077 7125666

Facebookda Paylaş


Kurslar.az kurslar

Oxşar xəbərlər

.

Bu günə olan qızıl və gümüş qiymətləri

Azərbaycanda 3 noyabr 2026-cı il tarixinə olan rəsmi göstəricilərinə əsasən, qızılın və gümüşün qiyməti açıqlanıb. "Yeni Sabah" xəbər verir ki, qızılın 1 unsiyası 6 634.3605 manat, 1 qramı 213.30 manat təşkil edib. 1 qram qızılın qiyməti 99 əyyar təmiz qızıl üçün 213.30 manat, 750 əyyar İtalya

3 noyabr
.

Azərbaycana gətirilən bahalı avtomobillərin sayı artdı - Rəqəmlər

Oktyabrda Azərbaycanın avtomobil bazarında median qiymət 3.7 faiz artaraq 19 500 manata çatıb. Azərbaycan Qiymətləndiricilər Palatasından (AQP) -a bildirilib ki, bu yüksəliş real bahalaşma ilə deyil, satışa çıxarılan nəqliyyat vasitələrinin tərkibinin dəyişməsi ilə bağlıdır. Palatanın hesablamaların

15 noyabr
.

Türk İnvestisiya Fondu Türkiyədə ilk maliyyələşdirməni həyata keçirib

Türk İnvestisiya Fondu (TİF) kənd yerlərində fəaliyyət göstərən mikro, kiçik və orta müəssisələrin maliyyə vəsaitlərinə çıxışını genişləndirmək, qadın sahibkarları dəstəkləmək, dayanıqlı kənd təsərrüfatını və yaşıl investisiyaları təşviq etmək məqsədilə Niderland İnkişaf Bankının (FMO) təşkil etdiy

12 noyabr
.

Bakı metrosunda NFC ilə 74 milyona yaxın ödəniş həyata keçirilib

Son 1 ildə "Bakı Metropliteni" QSC-də NFC ilə 73 milyon 889 min 384 ödəniş həyata keçirilib. Bu barədə -a səhmdar cəmiyyətindən məlumat verilib. Bildirilib ki, bu, ümumi ödənişli sərnişinlərin 63,8 %-ni təşkil edir. NFC-dən ən çox istifadə 8 milyon 57 min 376 ödənişlə 2026-cı ilin aprel ayınd

4 noyabr
.

Azərbaycan Mərkəzi Asiya ilə ödəniş sistemlərini birləşdirir - Sahibkarları nə gözləyir? - İQTİSADÇIDAN AÇIQLAMA

Azərbaycanın Mərkəzi Asiya ölkələri ilə iqtisadi və maliyyə əlaqələrinin genişləndirilməsi istiqamətində yeni addımlar atılır. Beş ölkənin - Azərbaycan, Qazaxıstan, Qırğızıstan, Özbəkistan və Tacikistanın milli ödəniş sistemlərinin inteqrasiyası nəzərdə tutulur. Bu təşəbbüsün reallaşması ilə sərhədləraras

3 noyabr
.

Azərbaycanda pul bazası 25 mlrd. manatı ötüb

Bu il noyabrın 1-i tarixinə Azərbaycanda pul bazası 25 milyard 146.1 milyon manata bərabər olub. bu barədə Azərbaycan Mərkəzi Bankına istinadən xəbər verir. Məlumata görə, son bir ayda pul bazası 1,32% artıb. İllik müqayisədə isə pul bazası 17,53% artıb

3 noyabr
.

Azərbaycanda pambıq istehsalının 4 illik proqnozu açıqlanıb

Gələn il Azərbaycanda pambıq istehsalının 351,9 minə tona çatacağı proqnozlaşdırılır. "Report" xəbər verir ki, bu, 2027-ci ilin dövlət büdcəsi zərfinin layihəsində öz əksini tapıb. Məlumata görə, bu, 2026-cı il proqnozuna nisbətən 11,1 % çoxdur. 2028-ci ildə pambıq istehsalının 373,8 min to

15 noyabr
.

Azərbaycanda taksi sürücüləri sadələşdirilmiş vergi ödəyəcəklər

Taksi sürücülərinin gəlirlərindən sifariş operatorları vasitəsilə 1 % sadələşdirilmiş vergi tutulması təklif olunur. "Report" xəbər verir ki, bu, Vergi Məcəlləsində dəyişiklik edilməsi haqqında qanun layihəsində öz əksini tapıb. Sənəd 2027-ci ilin büdcə zərfinə daxildir. Qüvvədə olan qanun

5 noyabr
.

Bu sahədə fəaliyyət tam rəqəmsallaşdırılır

"Bir pəncərə" informasiya sistemi haqqında Əsasnamə" təsdiq edilib. "Qafqazinfo" xəbər verir ki, bununla bağlı Prezident İlham Əliyev Fərman imzalayıb. Fərmana əsasən, sistemin fəaliyyətinin təmin edilməsi məqsədilə müvafiq məlumatların ilkin mənbəyini formalaşdıran dövlət orqanlar

16 noyabr