7 yaşlı uşağı qaçırıb öldürən kuryerə ölüm cəzası verildi - VİDEO

ABŞ-da 7 yaşlı Athena Strand-ı qaçıraraq öldürən kuryer Tanner Horner barəsində məhkəmə hökmü elan edilib.

Sonxeber.az xarici mediaya istinadən xəbər verir ki, Horner azyaşlı qızı evinin qarşısından qaçırdıqdan sonra qətlə yetirdiyini etiraf edib. Məhkəmənin qərarı ilə o, ölümcül inyeksiya üsulu ilə edam cəzasına məhkum olunub.

Məhkəmə prosesində təqdim edilən səs yazıları zalda emosional anlar yaşadıb. Yazılarda Hornerin azyaşlı qızdan paltarını çıxarmasını tələb etdiyi, Athena-nın isə dəfələrlə "yox" deyərək anasını çağırdığı eşidilib. Daha sonra qeydə alınan ağlama, qışqırıq və zorakılıq səslərinin ardından qızın öldürüldüyü bildirilib.

Münsiflər heyəti təxminən üç saat davam edən müzakirədən sonra yekdil qərara gələrək Horner haqqında ən ağır cəzanın tətbiqinə hökm verib.

Telegramda izləyin