Bulvardakı sahibsiz itlərə kim sahib çıxmalıdır? - ARAŞDIRMA

Son zamanlar sahibsiz qalan itlərin sayının çoxalması insanları qorxudan məsələlər sırasındadır. Sahibsiz, peyvəndsiz itlərin küçədə belə sərbəst gəzməsi sakinləri narahat edir. Bu kimi hal Sumqayıt Dənizkənarı Bulvarında da qeydə alınıb.

Hər hansı bir xoşagəlməz hadisəni qabaqlamaq üçün Sonxeber.az olaraq, problemi araşdırdıq.

İlk öncə məsələ ilə bağlı Sumqayıt şəhər İcra Hakimiyyəti ilə əlaqə saxladıq. İcra Hakimiyyətindən verilən məlumata əsasən, Sumqayıt şəhərində sakinlərin təhlükəsizliyinin təmin edilməsi məqsədi ilə davamlı olaraq sahibsiz itlərin götürülməsi və ərazidən uzaqlaşdırılması istiqamətində işlər həyata keçirilir. Sahibsiz itlərin sakinlər üçün ciddi təhlükə yaratdığını nəzərə alaraq, tədbirlərin daha da gücləndirilməsi üçün Sumqayıt şəhər İcra Hakimiyyəti tərəfindən aidiyyəti qurumlara tapşırıq verilib.

Daha sonra "Toplan" Sahibsiz İtlərə Qayğı Mərkəzi ilə əlaqə saxladıq. Mərkəzdən bildirdilər ki, "Toplan" Sahibsiz İtlərə Qayğı Mərkəzi yalnız Bakı şəhərinin inzibati ərazi bölgülərində xidmət göstərir, Abşeron rayonu, Sumqayıt şəhəri isə istisnadır.

AYSEL QULİYEVA

Telegramda izləyin