Emin Ağalarov: "Belə getsə, kinozallarda tennis oynayacağıq" - FOTO

Xalq artisti Emin Ağalarov Rusiyanın RBK portalına müsahibə verib.

BAKU.WS xəbər verir ki, Rusiyada uzun illərdir fəaliyyət göstərən "Crocus Group" holdinqinin birinci vitse-prezidenti yaşanan iqtisadi tənəzzüldən danışıb.

İfaçı davam edən Rusiya-Ukrayna müharibəsi fonunda ən çox zərər çəkən sahələrdən birinin film sektoru olduğunu deyib:

"Səs-küylü qərb premyeralarının olmaması səbəbindən kinoteatrlara ziyarət 70% azalıb. Bu, kosmik rəqəmdir. Bizim "Vegas" və "Crocus"da 22 zalımız var. Bunu 500-700 insana vuranda bir seansa 12-17 min insan edir. Əvvəllər bütün zallar dolu olurdu. Onların fəaliyyətinin davam etməsi üçün Rusiya bir neçə ay ərzində Hollivudu geridə qoymalı və bütün ölkənin baxmaq istəyəcəyi filmlər istehsal etməyə başlamalıdır. Üstəlik, ildə bir dəfə deyil, hər gün. Çox güman, biz bu məsələnin öhdəsindən gələ bilməyəcəyik. Kinozalların yerinə boş qutular qalacaq. Orada tennis oynayacağıq".

Telegramda izləyin

instagramda izləyin