Avropa İranla nüvə sazişindən imtina edib - Senator

Avropa dövlətləri ABŞ-ın ardınca İranla nüvə sazişindən imtina etmək qərarına gəliblər.

Bu barədə Rusiya Federasiya Şurasının informasiya siyasəti və media ilə qarşılıqlı əlaqə üzrə komissiyasının sədri Aleksey Puşkov bildirib. O, Telegram kanalında qeyd edib ki, Tehran buna cavab olaraq Qərb dövlətlərinin əvvəlcədən xəbərdarlıq etdiyi tədbirləri görüb.

"Birləşmiş Ştatlar İranla nüvə sazişindən imtina etdi və sanksiyaları saxladı. Öz xarici siyasəti olmayan Avropa itaətkarcasına ABŞ-ın ardınca getdi və Qərb razılaşmadan imtina edəcəyi halda Tehran da addımlar atacaq. Bununla bağlı Qərbə xəbərdarlıq da edib. Hər şey məntiqlidir", senator Puşkov yazıb.

Bu yaxınlarda İranın nüvə proqramı üzrə Birgə Hərtərəfli Fəaliyyət Planının bərpasına dair ABŞ və Aİ-nin İranla danışıqları dondurulub. Tehran ABŞ sanksiyalarının ləğvi şəklində zəmanət tələb etdikdə Vaşinqton müqaviləyə qayıtmağı düşünür.

Qeyd edək ki, bir müddət əvvəl media İranla nüvə sazişi üzrə danışıqların ABŞ prezidenti Co Baydenin Yaxın Şərqə səfərindən sonra bərpa olunacağı barədə məlumat yayıb.

Telegramda izləyin