Ərdoğan və Putin Ukrayna böhranını müzakirə etməyi planlaşdırır

"Taxıl müqaviləsi"nin həyata keçirilməsinin uğuru Ukrayna böhranının həlli üzrə danışıqların başlanmasına töhfə verə bilər. Bu məsələnin avqustun 5-də Soçidə Türkiyə və Rusiya prezidentləri Rəcəb Tayyib Ərdoğan və Vladimir Putin arasında keçiriləcək görüşdə müzakirə edilməsi planlaşdırılır.

Bu barədə "Kanal7" televiziya məlumat yayıb.

"Əgər sövdələşmə uğurla həyata keçirilərsə, sülh danışıqlarına başlamaq tamamilə mümkündür. Əgər beynəlxalq ictimaiyyət müharibəni bitirmək iradəsini nümayiş etdirməsə, o zaman iki-üç aydan sonra biz bu barədə yenidən danışacağıq. İmzalanmış taxıl sazişi belə olmalıdır. Bu çərçivədə diplomatik səylərimiz davam edəcək", - Türkiyə Prezidentin sözçüsü İbrahim Kalın belə deyib.

O qeyd edib ki, iyulun 19-da Tehranda Ərdoğanın Putinlə apardığı danışıqlar, həmçinin Türkiyə və Ukrayna prezidentləri arasında təmaslar taxıl sazişinin uğurlu olmasına səbəb olub. "Əgər bu qədər danışıqlar olmasaydı, sövdələşmənin özü də olmazdı", - Ərdoğanın sözçüsü əlavə edib.

Ərdoğanla Putinin danışıqlarında iki ölkə arasında pilotsuz təyyarələr sahəsində mümkün əməkdaşlıq məsələsinin müzakirə edilib-edilməməsi sualına cavab verən Türkiyə liderinin nümayəndəsi deyib ki, " bununla bağlı hələ heç bir məsələ yoxdur. hər hansı bir öhdəlikdən söhbət gedə bilməz"./Publika

Telegramda izləyin