Rusiya XİN xarici ölkələrə muzdlularla bağlı xəbərdarlıq etdi

Ukraynadan ölkələrinə qayıdan əcnəbi döyüşçülər orada da təhlükə yaradırlar.
Sonxeber.az AzVision.az-a istinadən xəbər verir ki, bunu Rusiya Xarici İşlər Nazirliyinin Yeni Çağırışlar və Təhdidlər Departamentinin direktoru Vladimir Tarabrin deyib.

"Ukraynada hərbi təcrübə qazanmış əcnəbi döyüşçülər əgər ölməsələr, sonda öz ölkələrinə qayıdacaqlar ki, nəticədə də orada təhlükəsizlik üçün daha böyük təhlükələr yaradacaqlar", - diplomat vurğulayıb.

O qeyd edib ki, bu cür vəziyyət Moskvada da narahatlıq yaradır. Rusiya Xarici İşlər Nazirliyi beynəlxalq əlaqələrdə bu məsələni gündəmə gətirir.

"Biz belə bir təcrübənin yolverilməzliyində israr edirik və bunu qətiyyətlə davam etdirəcəyik- Tarabrin qeyd edib".

Xatırladaq ki, iyulun 12-də Rusiya Müdafiə Nazirliyi bəyan edib ki, müharibə başlayandan bəri Ukraynaya 60-dan çox ölkədən muzdlular gəlib.

Telegramda izləyin