"Ermənilər artıq Şərqi Zəngəzuru tamamilə tərk etmək üzrədilər" -AÇIQLAMA

"Ermənilər artıq Şərqi Zəngəzuru tamamilə tərk etmək üzrədilər. Bu da artıq həmin ərazinin məskunlaşan ermənilərdən təmizlənməsi kimi tariximizə düşəcəkdir. Laçın,Sus və Zabux kəndləri məlumdur ki, Suriya və Livandan gələn ermənilərin məskunlaşması nəticəsində ikinci dəfə işğala məruz qalıb".
Bunu Sonxeber.az saytına Milli Məclisin deputatı Musa Quliyev deyib.
O bildirib ki, Cənab Prezidentin bu günlərdə İsmayıllı rayonunun Lahıc qəsəbəsində verdiyi müsahibəsində qeyd elədiyi kimi, işğal olunmuş ərazilərdə qeyri-qanuni məskunlaşması hərbi cinayətdir və beynəlxalq konvensiyalara ziddir.
"Orda məskunlaşan insanlar oranı tərk edib getməlidirlər, əks təqdirdə Azərbaycanın hüquq mühafizə orqanları qarşısında cavab verəcəklər. Artıq ermənilər Sus, Zabux və Laçın yaşayış məntəqələrini tərk eləyirlər. Bizdə olan məlumata görə, orda dinc sakinlər deyil, terrorçu qruplar və qanunsuz silahlı qüvvələrdə yerləşə bilər. Bütün bunlar Azərbaycan Silahlı Qüvvələrinin nəzarətindədir.
Laçının, Zabuxun və Sus kəndinin boşalması ilə əvvəlki Laçın kolidoru deyilən ərazi yenidən Azərbaycanın nəzarətinə keçəcəkdir. Yeni yolda isə yeni qaydalar tətbiq olunmağa başlayacaqdır. Bu qaydalar Zəngəzur kolidorunun açılması və Zəngəzur kolidoru ilə eyni statusda qaydalar müəyyən edilməlidir. Əgər Zəngəzur kolidorunda hər hansı gömrük nəzarət qurulacaqsa, ermənistanla Azərbaycan arasındakı yeni yolda da həmin şərait və rejim tətbiq olunacaqdır.
Digər məsələ isə Azərbaycanın gücünün və iradəsinin göstəricisi artıq Fövqaladə Hallar Nazirliyinin bölmələrinin Laçında fəaliyyətə başlamasıdır. 2020-ci ilin danışıqlarına görə ermənilərə Kəlbəcər və Laçından çıxmaları üçün vaxt istəyiblər. Həmin vaxtda onlar meşələri, evləri yandırıb, həmin əraziləri minalayıb getdilər.
Cənab Prezidentin Lahıcda verdiyi müsahibədə çox ciddi məqamlardan biri də errmənilərin hər hansı bir statusa iddia etmələrinin boş bir xülya olduğunu göstərmək idi. Prezident bunu tək ermənilərə yox, bütün beynəlxalq təşkilatlara bildirdi.
Digər məsələ radikal müxalifət nüansıdır. Xüsusilə xaricdə olan bloggerlərin bu məsələyə münasibəti ilə bağlıdır. Üzümü onlara tutub demək istəyirəm ki, azda olsa Azərbaycanlı qanı varsa, bu ərəfədə ölkəmiz haqda olan böhtanları, şər məlumatları yaymasınlar. Bu məsələdə erməni dəyirmanına su tökməyi saxlasınlar.
Ermənilərin Qarabağda məskunlaşması ilə bağlı olaraq demək istəyirəm ki, onlar öz talehlərini özləri bildirdilər. Azərbaycan öz tarixi və ənənələrinə sadıq qalan ,tolerant həyat tərzinə üstünlük verən dövlətdir. Ermənilərə xüsüsi münasibət göstərməkdə xalqımız kifayət qədər haqlıdır. Ermənilər 30 il ərzində olan bütün körpüləri yandırdılar. 44 günlük müharibədə də Bərdə, Gəncə və digər ərazilərdə törətdikləri qətliamlar onların bizlə yaşamaq haqqı olmadığını göstərdi. Amma ermənilər toplum və dövlət olaraq dərk eləməlidirlər ki, onların Qafqazda mövcudluğu Türkiyə və Azərbaycan nəzarəti altında olmalıdır.
AYSEL QULİYEVA

Telegramda izləyin