İngiltərə Kraliçası necə adam idi? Bu suala kitablar cavab verə bilər

Kraliça II Elizabet taxt-tacda olduğu 70 il ərzində təkcə Böyük Britaniyada deyil, bütün dünyada hamının sevimlisi titulunu qazanıb. Kraliçanın şlyapa seçimi, korqi cinsindən olan itlərə sevgisi, heyranedici təbəssümü, çoxsaylı başqa cəhətləri onu əlçatmaz monarxdan sadə insanlara bir qədər yaxınlaşdırırdı. Ülyahəzrətin həyatı çoxsaylı bioqraflar üçün ilham mənbəyi olub.

Kraliçanın obrazı filmlərdə və seriallarda, nəsr əsərlərində və poeziyada təcəssüm edilib. Tarixçidən başlamış rejissora qədər hər kəs "öz Elizabeti"ni təsəvvür edir və göstərirdi. Oxucular Kraliçanın bioqrafiyası ilə bu kitablarda tanış ola bilərlər: "II Elizabet – Böyük Britaniya Kraliçası" (müəllif Mariya Erton), "Kraliça danışır. Kraliçanın özünün çəkdiyi portreti" (İnqrid Syuard), "II Elizabet. Dünyanın Kraliçası. Monarx və dövlət xadimi" (Robert Hardman), "Ülyahəzrət Böyük Britaniya Kraliçası II Elizabet. Müasir Britaniya monarxiyasına bir baxış" (Arina Polyakova), "II Elizabet. Bioqrafiya" (Karoli Erikson).

Elizabetin obrazı bir sıra bədii romanlarda da təcəssüm etdirilib: "Mürəbbiyə" (müəllif Venda Holden), "Kraliça və biz" (Syu Tauensend), "Vindzor düyünü" (S.C.Bennet), "Qeyri-adi oxucu" (Alan Bennet), "Kraliçanın paltarı" (Cennefer Robson).

Telegramda izləyin