"Ermənistana ərazi iddiası etməliyik" - Fazil Mustafa

Ermənistandan qaçqın olan bir qrup azərbaycanlı Göyçə-Zəngəzur Cümhuriyyətinin yaradıldığını elan edib. Ankarada nümayəndəlik açılıb və bayraq təqdim edilib.
Bununla bağlı Sonxeber.az-a danışan Milli Məclisin deputatı Fazil Mustafa bildirib ki, ermənilərlə ideoloji mübarizədə belə hallar olmalıdır:

"Bu da bir təşəbbüsdür. Hər halda müzakirə olunmalıdır, amma konkret olaraq mən bu təşəbbüsün əleyhinə deyiləm. Ermənilərlə ideoloji mübarizədə belə hallar olmalıdır. Daha ciddi şəkildə bu məsələyə yanaşmaq lazımdı. Bütün hallarda belə qurumun mövcudluğu dövlətin iradəsi ilə olmalı idi. Dövlətin iradəsi bu məsələdə yoxdur. 3-4-5 nəfər təməlsiz, qeyri-sağlam şəkildə yaradırsa, bu, böyük problem yarada bilər. Hər halda insanların təşəbbüsünə qarışmaq olmaz. Amma bunu ciddi alt yapısı olan bir hadisə kimi həyata keçirtmək lazımdır. Təəssüf ki, bunu hələ ciddi qəbul edə bilmirəm. Hələ kimlərin nə məqsəd güddüyü bəlli deyil.
Biz Ermənistana ərazi iddiası etməliyik. Ermənistanın bizə qarşı ərazi iddiası varsa,biz də qarşılığında bunu etməliyik".

Şəbnəm Lətifi

Telegramda izləyin