Bakıda kirayə ev niyə tapılmır ? - AÇIQLAMA

"Hazırkı dövrdə kirayə evlərin çatışmazlığı qlobal sosial problemə çevrilib. Sovet dövründə belə hər zaman kəskin mənzil çatışmamazlığı var idi. Bu ən çox kənd və rayon əhalisinin Bakıya axını ilə bağlıdır. İqtisadi termin kimi urbanizasiya adlanır. Urbanizasiya isə hər zaman Azərbaycanda yüksək səviyyədə olub".

Bunu Sonxeber.az-a olan açıqlamasında daşınmaz əmlak üzrə ekspert Elnur Azadov deyib.

O bildirib ki, 90-cı illərin əvvəllərində Sovet hökümətinin dağılması ilə bağlı mülki inşaat böyük şəhərlərdə dayandı və bizim küllü miqdarda qaçqınlarımız olub.
"2000-ci ilə kimi kütləvi mülki inşaat demək olar ki, olmayıb. Daha sonra digər hallar baş verdi. Bu hallardan biri də tələbələrin Bakıya axını ilə bağlıdır. Tələbələr ümumi kirayə mənzil fondunun 30% istifadəçisidirlər. İlbəil şəhərlərə böyük axın var. Yeni tikililər 1500-ə yaxındır. 2016-cı ildən isə pilot layihələrin tətbiqinə başlandı. Pilot layihələr nəticəsində kirayə ucuz evlərin sayı azaldı. Eyni zamanda pilota düşmüş binaların sakinləri kirayə təmin olunurlar. Tikinti şirkətləri həmin şəxsləri müvəqqəti köçürüb, onlara kirayə pulu ödəyir. Bu kimi hallar ona gətirib çıxarır ki, köhnə yaşayış fondu yenisi ilə əvəz olur. Təlabat və qiymət isə hər il artır. Qiymət artımına digər səbəb isə investisiya baxımından bir çox vətəndaşlar həmin binalardan mənzillər alıb, kirayə verirlər. Son 2 ildə inşaat materialları 20% bahalaşıb. Bir sözlə, yeni tikilən binalar daha baha olur".
AYSEL QULİYEVA

Telegramda izləyin