Azərbaycan niyə selektiv abortların sayına görə birinci yerdədir?

İstiqamət: Gender, ailə və demoqrafiya məsələlərinin işıqlandırılması

Azərbaycan selektiv abortların sayına görə dünyada 1-ci yerdədir. Bir qız övladı olan valideynlər ikinci övladınının da qız olmasını istəmir və abort etdirir.

Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu Sonxeber.az-a bildirib ki, komitə selektiv abortların qarşısını almaq üçün tədbirlər görür, amma nəticəsi zəif olur:
"Əhali arasında maarifləndirmə tədbirlərini gücləndirməklə, selektiv abortların fəsadları haqqında mediada maarifləndirici proqramların nümayişi ilə azaltmaq mümkündür.

Komitə doğulacaq uşağın cinsinin seçilməsi ilə mübarizə üzrə icma səviyyəsində mütəmadi olaraq maarifləndimə tədbirləri keçirilir.
Belə ki, yeniyetmə və gənclər üçün "Uşaqların doğulanadək cins seçiminə YOX deyək!", "Doğulacaq uşağın cinsinin seçilməsi ilə mübarizə", "Reproduktiv sağlamlıq və ailə planlaşdırılması" , "Doğulacaq uşağın cinsinin seçilməsinin fəsadları" adlı tədbirlər keçirilib.

Uşaq və Ailələrə Dəstək Mərkəzlərində "Selektiv abortlar", "Mən də yaşamaq istəyirəm!" mövzularında təlimlər təşkil edilib.

"Yoxsulluğu Yenidən Araşdır" kampaniyası çərçivəsində müsabiqə keçirilib. Müsabiqəyə təqdim olunan mövzulardan biri "Uşaqların doğulanadək cins seçimi ölkənin demoqrafik balansına və iqtisadiyyatına təsiri" olub.

BMT-nin Əhali Fondu və Ailə, Qadın və Uşaq problemləri üzrə Dövlət Komitəsinin birgə təşkilatçılığı, "Regional İnkişaf" İctimai Birliyinin dəstəyi ilə Beynəlxalq Ailə Gününə həsr olunmuş festival keçirilib. Festivalın əsas məqsədi oğlanlara üstünlük verilməsi fenomeninin qarşısının alınması, qız övladının dəyərinin təşviqi və ailədə bərabər qayğı modelinin təbliğinə xüsusi diqqət yetirməklə gender stereotipləri ilə mübarizəyə töhfə verməkdən ibarət idi. Festivalda ailələr arasında gender stereotiplərini aradan qaldırılmasına yönəlmiş "Qızının saçını hör", "Mən uşağımı nə dərəcədə yaxşı tanıyıram?" kimi müsabiqələr də keçirilib.

Bundan əlavə doğulacaq cinsinin seçilməsinin barədə əhalinin məlumatlandırılması məqsədilə hüquqi nəşrlər və digər çap materialları hazırlanaraq ölkə ərazisində yayılması təmin edilir.

"Uşaqların doğulanadək cins seçiminə YOX deyək!" adlı təqdimat hazırlanıb və Komitənin rəsmi saytına yerləşdirilib.
"Uşaqların doğulanadək cins seçiminə YOX deyək!" adlı buklet və 11 oktyabr "Beynəlxalq Qızlar Günü"nə həsr edilmiş "Qızlarımızın hüquqlarını tanıyaq və qoruyaq! Onlara yüksək dəyər verək" adlı elektron maarifləndirmə vəsaiti hazırlanıb və Komitənin sosial şəbəkə səhifələrində yerləşdirilib.

"Cənubi Qafqazda gender əsaslı cins seçimi (GƏCS) və aidiyyəti zərərli təcrübələrin aradan qaldırılması" Qlobal Proqramı çərçivəsində "ÜRƏYİNİN SƏSİNİ DİNLƏ" Gender əsaslı cins seçiminin doğurduğu mənfi nəticələrlə bağlı maarifləndirmə məqsədli,qız uşağının dəyərinin artırılmasını təşviq edən foto sərgi təşkil edilib.

Gender məsələləri üzrə və cins nisbətinin pozulması sahəsində beynəlxalq təcrübənin öyrənilməsi məqsədilə Koreya Beynəlxalq Əməkdaşlıq Agentliyinin Azərbaycandakı Nümayəndəliyi tərəfindən Azərbaycan Respublikasında onlayn şəkildə "Selektiv abortun qarşısının alınması və ailənin planlaşdırılması haqqında araşdırma başlıqlı KOİCA CİAT Təlim proqramları təşkil olunmuşdur. Sözügedən təlim proqramlarında Ailə, Qadın və Uşaq Problemləri üzrə Dövlət Komitəsinin əməkdaşları iştirak etmişdir. Təlim proqramının əsas məqsədləri Azərbaycanda qadın məsələləri ilə məşğul olan dövlət qurumları rəsmilərinin selektiv abortların qarşısının alınması və ailə planlaşdırması mövzusundakı biliklərinin artırılması, onların qadınların cinsi və reproduktiv sağlamlığı və hüquqları ilə bağlı siyasət hazırlama və tətbiqetmə qabiliyyətlərinin gücləndirilməsidir.
Təlim zamanı iştirakçılar Koreya Respublikasında abortun qarşısının alınması və praktiki tətbiqi, qadınların cinsi və reproduktiv sağlamlığının yaxşılaşdırılmasına dair vahid yanaşma, Koreyada gender bərabərliyi siyasəti, sağlamlıq problemləri, qadınların abort etməsinin qarşısının alınması və digər mövzular üzrə biliklərə yiyələnmişdirlər.

Lakin görünür ki bu tədbirlər zəif nəticə verir".

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin