Krım körpüsündə partlayışda ölənlər var – YENİLƏNİB

Krım körpüsündə törədilən partlayışda, ilkin məlumata görə, üç nəfər ölüb.

Bu barədə Rusiya İstintaq Komitəsi məlumat yayıb.

Hazırda sudan iki nəfərin – qadın və kişinin – meyitləri çıxarılıb, şəxsiyyətləri müəyyənləşdirilir.

Körpüdə partladıldığı deyilən yük maşını və sahibi də müəyyən olunub. Qeyd olunur ki, avtomobil Krasnodar diyarının vətəndaşı olan Boris Yusubovun adına olub. Onun yaşadığı yer üzrə araşdırmalara başlanılıb. Məlum olub ki, həmin adam avtomobili satıb, yeni sahibi isə onu sənədləşdirməyib.

Yük avtomobilinin marşrutu və müvafiq sənədləri də tədqiq olunur. Yol polisindən bildirilib ki, yoxlanışdan keçərkən avtomobilin sürücüsü sakit olub, ancaq maşın rentgendən keçirilməyib.

***
Krım yarımadası ilə Rusiyanı birləşdirən Krım körpüsünün dəmir yolu hissəsində yerləşən yanacaq çənlərindən birində partlayış baş verib. Bildirilib ki, partlayış yanacaq çəninin yanması nəticəsində baş verib.

Sonxeber.az xəbər verir ki, Kremlin mətbuat katibi Dmitri Peskov Krım körpüsündəki vəziyyətlə bağlı hesabatları Rusiya prezidenti Vladimir Putinə təqdim edib.

Rusiyanın 2014-cü ildə ilhaq etdiyi Krımı Rusiya ərazisi ilə birləşdirən və Kerç boğazında yerləşən Krım körpüsündə böyük partlayış baş verib. Rusiya prezidenti Vladimir Putinin 2018-ci ildə açdığı 19 kilometrlik strateji əhəmiyyətli körpüdə nəqliyyatın hərəkəti dayandırılıb. Körpünün dəmir yolu xəttinə bitişik magistralda çökmə baş verib. Bildirilib ki, partlayışa Rusiya Fövqəladə Hallar Nazirliyinin qrupları alovlara müdaxilə edərkən, dəmir yolunda yanacaqla dolu çənlərdən birində baş verdiyi bildirilir. Hadisənin hücum olub-olmadığını müəyyən etmək üçün araşdırma başladılıb.

Şəbnəm Lətifi

Telegramda izləyin