"Qorçiçnik" və banka qoymaq təhlükəlidir - XƏBƏRDARLIQ

Çoxlarına uşaqlıqda banka və ya "qorçiçnik" kimi tanıdığımız xardal tərkibli plastrlar qoyulub. Əvvəllər bu, soyuqdəymə xəstəliklərinin müalicəsi üçün ən etibarlı üsullardan sayılırdı. Lakin müasir təbabət belə metodların tərəfdarı deyil.

Sonxeber.az xəbər verir ki, ilkin tibbi-sanitar yardım üzrə rusiyalı mütəxəssis Andrey Tyajelnikov bu barədə "Moskva" agentliyinə müsahibəsi zamanı danışıb.

Onun sözlərinə görə, banka dərini zədələyə bilər, xardal tərkibli plastrlar isə yüksək temperatur zamanı təhlükəlidir:

"Əvvəllər hesab olunurdu ki, "qorçiçnik" və bankalar qan dövranını stimullaşdırır, bronx və ağciyərləri isidir, lakin həqiqətdə dərin isinmə baş vermir. Onlar bədən hərarətini artıra bilər, bu isə artıq yüksək temperatur zamanı risklidir. Bankalar isə, xüsusilə təcrübəsiz bir insan tərəfindən qoyulsa, bədəni zədələyə bilər. İstənilən dəri qıcıqlanması və allergiya zamanı bu prosedurların hər ikisi qadağandır".

Kəskin respirator virus infeksiyaları (KRVİ), burun axma, öskürək zamanı həkim inhalyasiya etməyi məsləhət görüb:

"Buxar bəlğəmi mayeləşdirir, selikli qişanı nəmləndirir və təmizləyir. Eyni zamanda, kartof üzərində nəfəs alma kimi inhalyasiya üsullarında bir sıra məhdudiyyətlər var. Onlar faydalıdır, lakin xəstəliyin bütün dövrlərində yox. Yüksək temperatur zamanı isə ümumiyyətlə edilməməlidir".

Natəvan Baxşiyeva

Telegramda izləyin