Azərbaycanlılar İranın ictimai-siyasi həyatında mühüm yer tutublar - İran tarixi faktları saxtalaşdırıb - VİDEO

Cənubi Azərbaycanda yaşayan soydaşlarımız İranin ictimai-siyasi həyatında tarixən mühüm yer tutublar. İranın dövlət kimi formalaşmasında da azərbaycanlı ziyalıların silinməz izləri var. Amma təxminən 40 milyona yaxın azərbaycanlının hüquqları tanınmır.

Təbriz və Ərdəbil kimi şəhərlər vaxtilə Azərbaycan dövlətçiliyinin mərkəzlərindən olub. İran tarix boyu müxtəlif yollarla bu faktları saxtalaşdırmağa çalışıb.

Tarixçi alim Boran Əziz deyir ki, Ərəb imperiyası dağıldıqdan sonra farsların yaşadıqları ərazilər türk dövlətlərinin tərkibində olub. Farslar təxminən 11 əsr həmin yerlərdə tam təhlükəsiz şəraitdə yaşayıblar. Buna kimi isə İran dövləti mövcud olmayıb. Soydaşlarımızın yaşadıqları ərazi hər zaman Cənubi Azərbaycan kimi tanınıb.

Azərbaycan Milli Elmlər Akademiyasının Şərqşünaslıq İnstitutunun baş direktoru Gövhər Baxşəliyeva deyir ki, şah rejimi tərəfindən Azərbaycan vilayətləri zaman keçdikcə ikinci dərəcəli ərazilər kimi ayrı-seçkiliyə məruz qalıb, soydaşlarımızın milli varlığı tarixi geriliyə məhkum edilib. Türk soyuna qarşı düşmən münasibət bəsləyən imperialist dairələrin təhriki və himayəsi ilə İranda dövlət siyasəti səviyyəsinə yüksəldilmiş antitürk ideologiyası XX əsr boyunca tədricən və zorakı üsullarla gerçəkləşdirilib.

Gövhət Bəxşəliyeva xatırladıb ki, Azərbaycan vilayətlərini farslaşdırma siyasəti istiqamətindəki əməli addımlar 1923-cü ildən etibarən başlayıb. Türk dilinin yox edilməsi üçün farsdilli məktəblərin açılması və farsdilli müəllimlərin işə cəlb olunması, dövlət dairələrindəki azərbaycanlı işçilərin farslarla əvəz edilməsi əsas məqsədlərdən biri olub. İranın təxminən 43 faizini azərbaycanlılar təşkil etməsinə baxmayaraq, bu ölkə tarix boyu soydaşlarımızın ən fundamental hüquqlarını belə əlindən alıb. İranda yaşayan digər xalqların nümayəndələrindən fərqli olaraq azərbaycanlılar həmişə təzyiqlərlə üz-üzə qalıblar. Halbuki öz dillərində təhsil almaq və muxtariyyət əldə etmək cənubda yaşayan soydaşlarımızın da haqqıdır

Telegramda izləyin