"Dünya Fransanın Əlcəzairdəki qətliamlarını unutmamalıdır" - İlham Əliyev

"Fransanın Əlcəzairdə törətdiyi qətliamları dünya heç vaxt unutmamalıdır".
Sonxeber.az xəbər verir ki, bu sözləri prezident İlham Əliyev Qoşulmama Hərəkatının hazırkı rəhbəri kimi Əlcəzairin ev sahibliyi etdiyi Ərəb Liqasının 31-ci Zirvə Toplantısındakı çıxışı zamanı deyib.
"Bu gün Şəhidlər və Mücahidlər Muzeyini ziyarət etdim. Fransanın burada Əlcəzair xalqına qarşı törətdiyi qırğınlar məni çox təsirləndirdi. Dünya Fransanın Əlcəzairdəki bu qırğınlarını heç vaxt unutmamalıdır",- deyə prezident qeyd edib.

Fransanın Əlcəzairi 130 ildən artıq işğal altında saxladığını və 1 milyon 500 mindən çox insanın ölümünə səbəb olduğunu vurğulayan İlham Əliyev Əlcəzair xalqının fransız müstəmləkəçiliyinə qarşı göstərdiyi qəhrəmanlığın bəşəriyyətin yaddaşında böyük xatirə kimi qalacağını diqqətə çatdırıb.

Şəbnəm Lətifi

Telegramda izləyin