Əqrəbin sancdığı uşaq 7 dəfə infarkt keçirib öldü

Braziliyada 7 yaşlı uşağı əqrəb sancıb.

Sonxeber.az Mynet-ə istinadən xəbər verir ki, Braziliyada yaşayan 7 yaşlı Luiz Miguel Furtado Barbosa adlı uşaq ailəsi ilə düşərgəyə gedərkən gözlənilməz vəziyyətlə qarşılaşıb. O, ayaqqabısını geyinmək istəyərkən ayaqqabısına əqrəb girərək onu sancıb. 44 yaşlı ana Angelita Proenca Furtado oğlunun qışqırdığını bildirib. Xəstəxanaya aparılan uşaq 2 günlük müalicədən sonra 7 dəfə ürək tutmasından vəfat edib.
.

Ana Angelita Proenca Furtado yaşadığı şok hadisəsi haqqında dedi: "O, ayaqqabılarını geyinərkən ağrıdan qışqırdı. Onu nəyin sancdığını tapa bilməyəndə axtarışımıza davam etdik. Ayağı qızarmağa başladı və ağrıları artdı. O zaman bunun həqiqətən də əqrəb sancması olduğunu anladım və hansının olduğunu öyrənmək üçün dəli kimi axtarışa başladıq".

Ailə övladlarının ölümünə Cənubi Amerikanın ən təhlükəli əqrəbi sayılan Tityus Serrulatus kimi tanınan braziliyalı sarı əqrəbin səbəb olduğunu bildirib.

Luiz Sao Paulo Universitetinin Tibb Məktəbi Klinika Xəstəxanasına yerləşdirilib və dərhal uşaq şöbəsinə aparılıb. Müalicəsi davam edərkən gözlərini açıb anası ilə danışmağa çalışan balaca Barbosa 7 dəfə infarkt keçirərək faciəvi şəkildə dünyasını dəyişib.

Şəbnəm Lətifi

Telegramda izləyin